ಪಶುವೈದ್ಯೆ ಮರ್ಡರ್ ಕೇಸ್ - ಠಾಣೆಗೆ ಆಗಮಿಸಿ ಆರೋಪಿಗಳಿಗೆ ನ್ಯಾಯಾಂಗ ಬಂಧನ ವಿಧಿಸಿದ ಜಡ್ಜ್

•   Sat, Nov 30 2019 05:49:16 PM



• ಹೈದ್ರಾಬಾದ್​ ನ 30(Daijiworld News/MSP): ಪಶುವೈದ್ಯೆಯನ್ನು ಅತ್ಯಾಚಾರ ನಡೆಸಿ ಅಮಾನುಷವಾಗಿ ಹತ್ಯೆ ಮಾಡಿದ ನಾಲ್ವರು ಆರೋಪಿಗಳನ್ನು 14 ದಿನಗಳ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿ ಶಡ್ನಾಗರ್​​ ಮ್ಯಾಜಿಸ್ಟೇಟ್​ ಆದೇಶ ನೀಡಿದ್ದಾರೆ.

  

  ನ್ಯಾಯಾಧೀಶರು ಅಲಭ್ಯವಾದ ಹಿನ್ನಲೆಯಲ್ಲಿ ಆರೋಪಿಗಳನ್ನು ಫಾಸ್ಟ್​ಟ್ರಾಕ್​ ನ್ಯಾಯಾಲದ ಮುಂದೆ ಹಾಜರುಪಡಿಸಿರಲಿಲ್ಲ. ಅಲ್ಲದೆ ಪ್ರಕರಣ ಕುರಿತು ನಗರ ಉದ್ವಿಗ್ನ ಸ್ಥಿತಿಯಲ್ಲಿದ್ದು, ಈ ಹಿನ್ನಲೆಯಲ್ಲಿ ನ್ಯಾಯಾಧೀಶರೇ ಶಂಶಾದಾಬಾದ್​ ಠಾಣೆಗೆ ಆಗಮಿಸುವ ಸ್ಥಿತಿ ನಿರ್ಮಾಣವಾಗಿತ್ತು. ಆರೋಪಿಗಳನ್ನು ಬಂಧಿಸಿದ್ದ ಠಾಣೆಗೆ ಹಾಜರಾದ ಮಂಡಲ್​ ಎಕ್ಸುಕ್ಯೂಟಿವ್​ ಮ್ಯಾಜಿಸ್ಟೇಟರ್​ ಆರೋಪಿಗಳನ್ನು ಎರಡು ವಾರ ನ್ಯಾಯಾಂಗ ಬಂಧನ ವಿಧಿಸಿದ್ದಾರೆ.

  ಇನ್ನೊಂದೆಡೆ ಆರೋಪಿಗಳನ್ನು ತಮ್ಮ ವಶಕ್ಕೆ ನೀಡುವಂತೆ ಪ್ರತಿಭಟನಕಾರರು ಘೋಷಣೆ ಕೂಗುತ್ತಿದ್ದಾರೆ. ಈ ನಡುವೆ ಆರೋಪಿಗಳಾದ ಮೊಹಮ್ಮದ್​ ಆರಿಫ್​, ಚಿಂತಕುಂಟ ಚೆನ್ನಕೇಶವಲು, ಜೊಲು ಶಿವ, ಜೊಲು ನವೀನ್​ರನ್ನು ಮೆಹಬೂಬ್​ನಗರ ಜೈಲಿಗೆ ಸ್ಥಳಾಂತರಿಸಲಾಗಿದೆ. ಆದರೆ ಶಂಶಾದಾಬಾದ್​ ಪೊಲೀಸ್​ ಠಾಣೆಯ ಮುಂದೆ ಜಮಾಯಿಸಿದ ಉದ್ರಿಕ್ತರು, ವಿದ್ಯಾರ್ಥಿಗಳು, ಸ್ಥಳೀಯರು ಆರೋಪಿಯನ್ನು "ವಿಚಾರಣೆ ನಡೆಸದೇ ತಕ್ಷಣ ಗಲ್ಲಿಗೆ ಏರಿಸಬೇಕು. ಇಲ್ಲವಾದರೆ ತಮ್ಮ ವಶಕ್ಕೆ ಒಪ್ಪಿಸಬೇಕು" ಎಂದು ಘೋಷನೆ ಕೂಗುತ್ತಿದ್ದಾರೆ. ಪ್ರತಿಭಟನೆ ಹೆಚ್ಚಾದ ಹಿನ್ನೆಲೆಯಲ್ಲಿ ಪೊಲೀಸರು ಲಾಠಿ ಚಾರ್ಚ್​ ಮಾಡಿ ಜನರನ್ನು ಚದುರಿಸುವ ಯತ್ನ ಮಾಡಿದ್ದಾರೆ.