ಕಾಂಗ್ರೆಸ್ ಅನ್ನು ನಿರುದ್ಯೋಗಿಯಾಗಿ ಮಾಡುವುದೇ ನಿಮ್ಮ ಗುರಿ - ನಳಿನ್

•   Fri, Nov 29 2019 01:38:02 PM



• ಬೆಂಗಳೂರು, ನ.29(Daijiworld News/SS): ಬಿಜೆಪಿ ರಾಜ್ಯಾಧ್ಯಕ್ಷ ನಳಿನ್ ಕುಮಾರ್ ಕಟೀಲ್ ಮಾಜಿ ಸಿಎಂ ಸಿದ್ದರಾಮಯ್ಯನವರ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ.

  

  ಸಿದ್ದರಾಮಯ್ಯನವರ ಹೇಳಿಕೆಗೆ ತಿರುಗೇಟು ಕೊಟ್ಟ ಅವರು, ಯಾರು ಎಲ್ಲಿ ನಿರುದ್ಯೋಗಿ ಎಂದು ಚಾಮುಂಡೇಶ್ವರಿಯ ಜನರೇ ನಾಡಿಗೆ ತಿಳಿಸಿದ್ದಾರೆ ಬಿಡಿ..! ಸ್ವಕ್ಷೇತ್ರದಲ್ಲಿ ನೀವು ನಿರುದ್ಯೋಗಿಯಾದಂತೆ ರಾಜ್ಯದಲ್ಲಿ ಕಾಂಗ್ರೆಸ್ ಅನ್ನು ನಿರುದ್ಯೋಗಿಯಾಗಿ ಮಾಡುವುದೇ ನಿಮ್ಮ ಗುರಿ ಅಲ್ಲವೇ..? ಈ ಪ್ರಯತ್ನ ಫಲ ಕೊಡಲಿ ಎಂದಷ್ಟೇ ಹಾರೈಸುತ್ತೇನೆ ನಾನು! ವ್ಯಂಗ್ಯವಾಗಿ ಹೇಳಿದ್ದಾರೆ.

  ರಾಜ್ಯದ 15 ವಿಧಾನಸಭಾ ಕ್ಷೇತ್ರಗಳಿಗೆ ಡಿಸೆಂಬರ್ 5 ರಂದು ಉಪ ಚುನಾವಣೆ ನಡೆಯುತ್ತಿದ್ದು, ಎಲ್ಲಾ ಪಕ್ಷಗಳು ಅಬ್ಬರದ ಪ್ರಚಾರ ನಡೆಸುತ್ತಿದ್ದಾರೆ. ಈ ನಡುವೆ ಪರ-ವಿರೋಧ ಪಕ್ಷಗಳ ನಡುವೆ ವಾಕ್ಸಮರ ಕೂಡ ನಡೆಯುತ್ತಿದೆ.