'ನರೇಂದ್ರ ವಿಜಯ'- ಇದು ಮೋದಿ ಯಕ್ಷಗಾನ ಪ್ರಸಂಗ !

•   Tue, Nov 26 2019 03:20:29 PM



• ಮೈಸೂರು, ನ 26 (Daijiworld News/MSP): ಪ್ರಧಾನಿ ನರೇಂದ್ರ ಮೋದಿಯವರ ಜೀವನಾಧರಿತ ಸಿನಿಮಾ ಬಿಡುಗಡೆಯಾಗಿದ್ದು ಹಳೆಯ ವಿಚಾರ , ಆದರೆ ಇನ್ನು ಪ್ರಧಾನಿ ಮೋದಿಯವರ ಯಶೋಗಾಥೆ ಕಥೆಯುಳ್ಳ ಯಕ್ಷಗಾನ ಪ್ರಸಂಗವನ್ನು ಕೂಡಾ ಸದ್ಯದಲ್ಲೇ ಆಸಕ್ತರು ವೀಕ್ಷಿಸಬಹುದಾಗಿದೆ.

  

  ಸಾಮಾನ್ಯವಾಗಿ ಪುರಾಣಕಥೆಗಳುಳ್ಳ ಪ್ರಸಂಗ ಯಕ್ಷಗಾನದಲ್ಲಿ ನೋಡಲು ಸಿಗುತ್ತದೆ. ಆದರೆ ಇನ್ನು ಮೋದಿಯವರ ಜೀವನ ಕಥೆ ‘ನರೇಂದ್ರ ವಿಜಯ’ ಎಂಬ ಯಕ್ಷಗಾನ ಪ್ರಸಂಗವನ್ನು ಯಕ್ಷಾಭಿಮಾನಿಗಳು ನೋಡಬಹುದಾಗಿದ್ದು ಇದರ ಪೂರ್ವ ಸಿದ್ದತೆ ಈಗಾಗಲೇ ಮುಗಿದಿದೆ.

  ತೀರ್ಥಹಳ್ಳಿಯ ಜ್ಯೋತಿ ಶಾಸ್ತ್ರೀ ವಿರಚಿತ ‘ನರೇಂದ್ರ ವಿಜಯ’ ಎಂಬ ಯಕ್ಷಗಾನ ಪ್ರಸಂಗ ಪುಸ್ತಕವನ್ನು ನ. 26 ರ ಮಂಗಳವಾರ ಮೈಸೂರಿನಲ್ಲಿ ಸಿಎಂ ಬಿಎಸ್‌ ಯಡಿಯೂರಪ್ಪ ಬಿಡುಗಡೆಗೊಳಿಸಿದ್ದಾರೆ. ಈ ಪ್ರಸಂಗದಲ್ಲಿ ನರೇಂದ್ರ ಮೋದಿಯವರ ಬಾಲ್ಯ, ಬದುಕು, ರಾಜಕೀಯ ಹಿನ್ನೆಲೆ ಹೀಗೆ ಅವರ ಜೀವನದ ಹಲವು ಆಯಾಮಗಳು ಪ್ರಸಂಗದಲ್ಲಿ ಪ್ರಸ್ತಾಪವಾಗಿವೆ. ಇನ್ನೇನು ರಂಗಸ್ಥಳದಲ್ಲಿ ನರೇಂದ್ರ ವಿಜಯವನ್ನು ನೋಡುವುದಷ್ಟೇ ಬಾಕಿ ಇದೆ.