ಚುನಾವಣಾ ಬಾಂಡ್‌ಗಳ ವಿವಾದ ಕುರಿತಂತೆ ಮತ್ತೆ ಕಳವಳ ವ್ಯಕ್ತಪಡಿಸಿದ ಪ್ರಿಯಾಂಕಾ ಗಾಂಧಿ

•   Sat, Nov 23 2019 07:40:17 AM



• ನವದೆಹಲಿ, ನ.23(Daijiworld News/SS): ಆರ್'ಬಿಐ ಹಾಗೂ ಚುನಾವಣಾ ಆಯೋಗದ ಆಕ್ಷೇಪಗಳನ್ನು ತಿರಸ್ಕರಿಸಿರುವುದು ಸತ್ಯವಾಗಿದೆ. ಕರ್ನಾಟಕ ಚುನಾವಣೆ ಸಂದರ್ಭದಲ್ಲಿ ಬಾಂಡ್'ಗಳ ಅಕ್ರಮ ಮಾರಾಟಕ್ಕೆ ಪ್ರಧಾನಿ ನರೇಂದ್ರ ಮೋದಿ ಅವಕಾಶ ನೀಡಿರುವ ಬಗ್ಗೆ ವರದಿಯಲ್ಲಿ ಬರೆಯಲಾಗಿದೆ, ಇದು ಸತ್ಯನಾ..? ಎಂದು ಎಐಸಿಸಿ ಪ್ರಧಾನ ಕಾರ್ಯದರ್ಶಿ ಪ್ರಿಯಾಂಕಾ ಗಾಂಧಿ ವಾದ್ರಾ ಪ್ರಶ್ನಿಸಿದ್ದಾರೆ.

  

  ಬಿಜೆಪಿ ನೇತೃತ್ವದ ಕೇಂದ್ರಸರ್ಕಾರದ ವಿರುದ್ಧ ವಾಗ್ದಾಳಿ ಮುಂದುವರೆಸಿರುವ ಅವರು, ಚುನಾವಣಾ ಬಾಂಡ್'ಗಳ ವಿವಾದ ಕುರಿತಂತೆ ಮತ್ತೆ ಕಳವಳ ವ್ಯಕ್ತಪಡಿಸಿದ್ದಾರೆ. ಈ ವಿಚಾರದಲ್ಲಿ ದಾನಿಗಳ ಕುರಿತಂತೆ ರಹಸ್ಯ ಕಾಪಾಡಲಾಗುತ್ತಿದೆ. ಸರ್ಕಾರ ಸುಳ್ಳು ಹೇಳುತ್ತಿದೆ ಎಂದು ಅವರು ಆರೋಪಿಸಿದ್ದಾರೆ.

  ಮಾತ್ರವಲ್ಲ, ಕರ್ನಾಟಕ ಚುನಾವಣೆಯ ಸಂದರ್ಭದಲ್ಲಿ ಚುನಾವಣಾ ಬಾಂಡ್'ಗಳ ಮಾರಾಟಕ್ಕೆ ಪ್ರಧಾನಿ ನರೇಂದ್ರ ಮೋದಿ ಅವಕಾಶ ಮಾಡಿಕೊಟ್ಟಿದ್ರಾ ಎಂದು ಅವರು ಕೇಳಿದ್ದಾರೆ.

  ಚುನಾವಣಾ ಬಾಂಡ್'ಗಳ ಮೂಲಕ ದೇಣಿಗೆ ಬಗ್ಗೆ ನಾಲ್ಕು ಪ್ರಕರಣಗಳಲ್ಲಿ ಬೆಳಕಿಗೆ ಬಂದಿದೆ. ನಿನ್ನೆ ದಿನ ಬಿಜೆಪಿ ಸರ್ಕಾರದ ಸಚಿವರು ಮಾಧ್ಯಮಗಳ ಮುಂಭಾಗ ರದ್ದಿ ಕಾಗದವನ್ನು ಓದಿದ್ದಾರೆ. ಆದರೆ, ಈ ಪ್ರಶ್ನೆಗಳಿಗೆ ಎಲ್ಲಿ ಉತ್ತರ ಸಿಗುತ್ತದೆ ಎಂದು ಪ್ರಶ್ನಿಸಿದ್ದಾರೆ.