ಪಂಜಾಬ್​ನ ಗುರುದಾಸ್​ಪುರದ ಡೇರಾ ಬಾಬಾ ನಾನಕ್ ಪ್ರದೇಶದಲ್ಲಿ ಉಗ್ರರು ಅಡಗಿರುವ ಶಂಕೆ

•   Thu, Nov 07 2019 09:57:50 AM



• ನವದೆಹಲಿ, ನ.07(Daijiworld News/SS): ಪಂಜಾಬ್​ನ ಗುರುದಾಸ್​ಪುರದ ಡೇರಾ ಬಾಬಾ ನಾನಕ್ ಪ್ರದೇಶದಲ್ಲಿ ಭಯೋತ್ಪಾದಕರು ಅಡಗಿದ್ದಾರೆಂಬ ಮಾಹಿತಿ ಆತಂಕ ಸೃಷ್ಟಿಸಿದೆ.

  

  ಡೇರಾ ಬಾಬಾ ನಾನಕ್​ಗೆ ನ. 9ಕ್ಕೆ ಭೇಟಿ ನೀಡುವ ಪ್ರಧಾನಿ ನರೇಂದ್ರ ಮೋದಿ, ಕರ್ತಾರ್​ಪುರ್ ಕಾರಿಡಾರ್​ಗೆ ಚಾಲನೆ ನೀಡಲಿದ್ದಾರೆ. ಈ ಹಿನ್ನೆಲೆಯಲ್ಲಿ ಬಿಗಿ ಭದ್ರತೆಗೆ ಆದೇಶಿಸಲಾಗಿದೆ. ಮಾತ್ರವಲ್ಲ, ಉಗ್ರರು ಅವಿತಿರುವ ಕುರಿತು ವರದಿ ಸಲ್ಲಿಸುವಂತೆ ಗಡಿ ಭದ್ರತಾ ಪಡೆಗೆ ಸರ್ಕಾರ ಸೂಚಿಸಿದೆ.

  ಪಾಕಿಸ್ತಾನದ ಗಡಿ ಭಾಗದ ಮುರಿಡ್ಕೆ, ಶಕುರ್​ಗಢ ಮತ್ತು ನರೋವಾಲ್​ಗಳಲ್ಲಿ ಕೆಲವು ಭಯೋತ್ಪಾದಕ ಶಿಬಿರಗಳು ಪತ್ತೆಯಾಗಿದ್ದು, ಗಡಿಯಾಚೆಯಿಂದ ಪಂಜಾಬ್ ಪ್ರವೇಶಿಸಿರುವ ಕೆಲವು ಭಯೋತ್ಪಾದಕರು ಡೇರಾ ಬಾಬಾ ನಾನಕ್ ಪ್ರದೇಶದಲ್ಲಿ ಇದ್ದಾರೆಂದು ಗುಪ್ತಚರ ವರದಿ ತಿಳಿಸಿದೆ.