ಬೇರೆ ವರ್ಗದಲ್ಲಿನ ಬಡವರನ್ನು ನಾನು ನಿರ್ಲಕ್ಷಿಸಿಲ್ಲ - ಸಿದ್ದರಾಮಯ್ಯ

•   Mon, Nov 04 2019 08:18:00 AM



• ಬೆಂಗಳೂರು, ನ.04(Daijiworld News/SS): ನಾನು ಸಿಎಂ ಆಗಿದ್ದಾಗ ಸಂವಿಧಾನದ ಆಶಯವನ್ನು ಜಾರಿಗೆ ಪ್ರಯತ್ನಿಸಿದೆ. ಒಟ್ಟು 13 ಬಜೆಟ್ ಮಂಡಿಸಿದ್ದೇನೆ. ಸಿಎಂ ಆಗಿದ್ದಾಗ 6 ಬಜೆಟ್ ಮಂಡಿಸಿದ್ದು, ನನ್ನ ಎಲ್ಲ ಬಜೆಟ್‌ಗಳಲ್ಲೂ ಅವಕಾಶಗಳಿಂದ ವಂಚಿತರಾದವರಿಗೆ ನ್ಯಾಯ ಕೊಡಿಸಲು ಪ್ರಯತ್ನಿಸಿದ್ದೇನೆ. ಹಾಗಂತೆ ಬೇರೆ ವರ್ಗದಲ್ಲಿನ ಬಡವರನ್ನು ನಾನು ನಿರ್ಲಕ್ಷಿಸಿಲ್ಲ ಎಂದು ಮಾಜಿ ಸಿಎಂ ಸಿದ್ದರಾಮಯ್ಯ ಹೇಳಿದರು.

  

  ಕ್ರಿ.ಪೂ. 185 ರಿಂದ ಕ್ರಿ.ಶ. 1950 ಅಂದರೆ ಸಂವಿಧಾನ ಜಾರಿಯಾಗುವವರೆಗೆ ಯಾರಿಗೆ ’ಮೀಸಲಾತಿ’ ಇತ್ತು ?, ಶೋಷಿತರಿಗೆ ಮೀಸಲಾತಿ ನೀಡಲು ವಿರೋಧಿಸಿದವರು ಯಾರು ?, ಮೀಸಲಾತಿ ಕೈ ಬಿಡಬೇಕು ಎನ್ನುತ್ತಿರುವವರು ಯಾರು ? ಇದನ್ನು ಪ್ರಶ್ನಿಸಿ ಶೋಷಿತರ ಪರವಾಗಿ ಮಾತನಾಡಿದ್ದಕ್ಕೆ ನನಗೆ ಮೇಲ್ವರ್ಗದವರ ವಿರೋಧಿ ಅಂತಾರೆ ಎಂದು ಹೇಳಿದರು.

  ಬಿಜೆಪಿಯವರು ಮೀಸಲಾತಿ ವಿರೋಧಿಗಳು. ಜತೆಗೆ ಚಾತುರ್ವರ್ಣ ವ್ಯವಸ್ಥೆಯ ಪರವಿರುವ ಯತಾಸ್ಥಿತಿವಾದಿಗಳು. ಮೊದಲು ನೀವು ಈ ಸತ್ಯವನ್ನು ಅರಿಯಿರಿ. ಅಪಪ್ರಚಾರಕ್ಕೆ ಬಲಿಯಾಗಬೇಡಿ. ಯಾವುದನ್ನೂ ಕಣ್ಮುಚ್ಚಿಕೊಂಡು ಒಪ್ಪಬೇಡಿ ಹಾಗೂ ಇತಿಹಾಸ ಅರಿಯಿರಿ ಎಂದು ಹೇಳಿದರು.

  ಇತಿಹಾಸ ಅರಿತರೆ ಮಾತ್ರ ಭವಿಷ್ಯ ನಿರ್ಮಿಸಲು ಸಾಧ್ಯ. ಶೋಷಿತರ ಪರವಾಗಿ ಯಾರಿದ್ದಾರೆ..? ವಿರೋಧಿಗಳು ಯಾರು ಎಂಬುದನ್ನು ಮೊದಲು ನೀವು ಅರಿತುಕೊಳ್ಳಿ. ಅವರಿಗೂ, ಇವರಿಗೂ ಜೈ ಎನ್ನಬೇಡಿ ಎಂದು ಕಿವಿ ಮಾತು ಹೇಳಿದರು.

  ಪರೋಕ್ಷವಾಗಿ ಬಿಜೆಪಿ ವಿರುದ್ಧ ವಾಗ್ದಾಳಿ ನಡೆಸಿದ ಅವರು, ಶೋಷಿತರ ಪರವಾಗಿ ಮಾತನಾಡಿದ್ದಕ್ಕೆ ವಿರೋಧ ಮಾಡುವವರು ಮಾಡಲಿ. ಆದರೆ ಶೋಷಿತರು ನಮ್ಮ ಜತೆ ಇರಬೇಕಲ್ಲವೇ ಎಂದು ಹೇಳಿದರು.