ಇಂದಿನಿಂದ ಮೋದಿ ಥಾಯ್ಲೆಂಡ್ ಪ್ರವಾಸ

•   Sat, Nov 02 2019 11:07:19 AM



• ನವದೆಹಲಿ, ನ.02(Daijiworld News/SS): ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ಇಂದಿನಿಂದ 2 ದಿನಗಳ ಕಾಲ ಥಾಯ್ಲೆಂಡ್ ಪ್ರವಾಸ ಮಾಡಲಿದ್ದಾರೆ.

  

  ಈ ಪ್ರವಾಸದ ಸಂದರ್ಭದಲ್ಲಿ ಅವರು ಅಸಿಯಾನ್​-ಇಂಡಿಯಾ, ಈಸ್ಟ್​ ಏಷ್ಯಾ, ಆರ್​ಸಿಇಪಿ ಶೃಂಗಗಳಲ್ಲೂ ಪಾಲ್ಗೊಳ್ಳುವವರಿದ್ದಾರೆ. ಥಾಯ್ಲೆಂಡ್ ಪ್ರಧಾನಿ ಪ್ರಯೂತ್ ಛಾನ್​-ಒ-ಚಾ ಅವರ ಆಹ್ವಾನದ ಮೇರೆಗೆ ಪ್ರಧಾನಿ ಮೋದಿ ಅವರು ಬ್ಯಾಂಕಾಂಕ್​'ಗೂ ಭೇಟಿ ನೀಡಲಿದ್ದಾರೆ ಎಂದು ಮೂಲಗಳು ತಿಳಿಸಿದೆ.

  ಪೌರಾತ್ಯ ಕಾರ್ಯದರ್ಶಿ ವಿಜಯ್​ ಠಾಕೂರ್​ ಸಿಂಗ್​ ಹೇಳಿಕೆ ಪ್ರಕಾರ, ಪ್ರಧಾನಿ ಮೋದಿ 16ನೇ ಅಸಿಯಾನ್​-ಇಂಡಿಯಾ ಶೃಂಗ, 14ನೇ ಈಸ್ಟ್​ ಏಷ್ಯಾ ಶೃಂಗ, ಮೂರನೇ ರೀಜನಲ್​ ಕಾಂಪ್ರಹೆನ್ಸಿವ್​ ಎಕನಾಮಿಕ್ ಪಾರ್ಟನರ್​ಷಿಪ್​(ಆರ್​ಸಿಇಪಿ) ಶೃಂಗ ಮತ್ತು ಸಂಬಂಧಿತ ಕಾರ್ಯಕ್ರಮಗಳಲ್ಲಿ ಪಾಲ್ಗೊಳ್ಳಲಿದ್ದಾರೆ.

  ಇನ್ನೂ ದೇಶಾದ್ಯಂತ ಪ್ರತಿಭಟನೆ ವ್ಯಕ್ತವಾಗಿರುವ ಆರ್'​ಸಿಇಪಿ ಒಪ್ಪಂದದ ಬಿಕ್ಕಟ್ಟಿನ ಅಂಶಗಳ ಕುರಿತು ಮಾತುಕತೆಯೂ ಇದೇ ವೇಳೆ ನಡೆಯಲಿದೆ.