ಹಬ್ಬದ ಶುಭಾಶಯ ಕೋರಿ ಟ್ವೀಟ್ ಮಾಡಿದ ಒಂದೇ ಗಂಟೆಯಲ್ಲಿ ಬಿಜೆಪಿ ನಾಯಕ ಕಮಲ್ ಶರ್ಮಾ ನಿಧನ

•   Sun, Oct 27 2019 12:51:07 PM



• ಪಂಜಾಬ್ ಅ 27 (Daijiworld News/MSP): ಪಂಜಾಬ್​​ ಭಾರತೀಯ ಜನತಾ ಪಕ್ಷದ ಮಾಜಿ ಅಧ್ಯಕ್ಷ ಕಮಲ್ ಶರ್ಮಾ ಹೃದಯಾಘಾತದಿಂದ ಭಾನುವಾರ ಬೆಳಗ್ಗೆ ಮೃತಪಟ್ಟಿದ್ಧಾರೆ. ಅದರೆ ಅದಕ್ಕೂ ಮುಂಚೆ ಬೆಳಿಗ್ಗೆಯಷ್ಟೇ ತಮ್ಮ ವೈಯಕ್ತಿಯ ಟ್ವಿಟರ್​​ ಖಾತೆಯಿಂದ ಟ್ವೀಟ್​ ಮಾಡಿ ಜನರಿಗೆ ದೀಪಾವಳಿ ಶುಭಾಶಯ ಕೋರಿದ್ದರು. ಈ ಟ್ವೀಟ್​ ಮಾಡಿದ ಒಂದೇ ಗಂಟೆಯಲ್ಲಿ ವಿಧಿವಶರಾಗಿದ್ದಾರೆ.

  

  ಕಮಲ್ ಶರ್ಮಾ(48) ವಾಕಿಂಗ್​​ ತೆರಳಿದ್ದಾಗ ಎದೆನೋವು ಕಾಣಿಸಿಕೊಂಡಿದೆ. ತಕ್ಷಣ ಕುಟುಂಬಸ್ಥರು ಅವರನ್ನು ಆಸ್ಪತ್ರೆಗೆ ಕರೆದೊಯ್ದಿದ್ದಾರೆ. ಆದರೆ ಚಿಕಿತ್ಸೆ ಫಲಿಕಾರಿಯಾಗದೇ ಆಸ್ಪತ್ರೆಯಲ್ಲಿ ಅಸುನೀಗಿದ್ದಾರೆ. ಪಂಜಾಬ್ ಬಿಜೆಪಿ ರಾಜ್ಯಾಧ್ಯಕ್ಷರಾಗಿದ್ದ ಕಮಲ್ 2015ರಲ್ಲಿ ಹುದ್ದೆಗೆ ರಾಜೀನಾಮೆ ನೀಡಿದ್ದಾರೆ.