ಕಷ್ಟದಿಂದ ಪಾರು ಮಾಡಲು ಬಿಜೆಪಿ ಎಂದೂ ಯಾರಿಗೂ ಕೇಡು ಬಯಸಿಲ್ಲ - ಶ್ರೀರಾಮುಲು

•   Thu, Oct 24 2019 01:19:09 PM



• ಚಿತ್ರದುರ್ಗ, ಅ.24(Daijiworld News/SS): ನಮ್ಮ ಧರ್ಮದಲ್ಲಿ ಶತ್ರು ಆಗಿದ್ದರೂ ಕಷ್ಟದಿಂದ ಪಾರು ಮಾಡಲು ಬಯಸಿದ್ದೇವೆ ಹೊರತು ಬಿಜೆಪಿ ಎಂದೂ ಕೇಡು ಬಯಸಿಲ್ಲ ಅಂತಾ ಆರೋಗ್ಯ ಸಚಿವ ಶ್ರೀರಾಮುಲು ಹೇಳಿದ್ದಾರೆ.

  

  ಮಾಜಿ ಸಚಿವ ಡಿಕೆ ಶಿವಕುಮಾರ್ ಅವರಿಗೆ ಜಾಮೀನು ಮಂಜೂರಾದ ಬಗ್ಗೆ ಪ್ರತಿಕ್ರಿಯಿಸಿದ ಅವರು, ಹಿಂದೂ ಧರ್ಮದಲ್ಲಿ ಕೇಡು ಬಯಸಿದರೆ ಅವರು ಹಿಂದೂಗಳಲ್ಲ. ನಮ್ಮ ಧರ್ಮದಲ್ಲಿ ಶತ್ರು ಆಗಿದ್ದರೂ ಕಷ್ಟದಿಂದ ಪಾರು ಮಾಡಲು ಬಯಸಿದ್ದೇವೆ ಹೊರತು ಬಿಜೆಪಿ ಎಂದೂ ಕೇಡು ಬಯಸಿಲ್ಲ. ಬಯಸುವುದೂ ಇಲ್ಲ ಎಂದು ಸ್ಪಷ್ಟಪಡಿಸಿದರು.

  ಡಿಕೆಶಿ ಅವರು ಜೈಲಿಂದ ಬಿಡುಗಡೆ ಆಗಲಿ ಅಂತ ನಾವು ಸಹ ಪ್ರಾರ್ಥಿಸಿದ್ದೇವೆ. ಡಿಕೆಶಿ ಕಾನೂನು ಬದ್ಧ ಜಾಮೀನು ಪಡೆದು ಹೊರಗಡೆ ಬಂದಿದ್ದಾರೆ ಎಂದು ಹೇಳಿದರು.

  ಮಾಜಿ ಸಿಎಂ ಸಿದ್ದರಾಮಯ್ಯ ನೆಲಕ್ಕೆ ಬಿದ್ದರೂ ಮೀಸೆ ಮಣ್ಣಾಗಲಿಲ್ಲ ಎಂಬ ಜಾಯಮಾನದವರು. ಸಿದ್ದರಾಮಯ್ಯ ಮತ್ತೆ ಸಿಎಂ ಆಗಲು ಹೊರಟಿದ್ದಾರೆ. ಆದರೆ ಕಳೆದ ವಿಧಾನಸಭಾ ಚುನಾವಣೆಯಲ್ಲಿ ಅವರನ್ನೇ ಸಿಎಂ ಅಭ್ಯರ್ಥಿ ಅಂತ ಘೋಷಿಸಿದ್ದರೂ ರಾಜ್ಯದಲ್ಲಿ ಕಾಂಗ್ರೆಸ್ ಕೇವಲ 79 ಸ್ಥಾನ ಗೆದ್ದಿತು. ಅಲ್ಲದೆ ಸಮ್ಮಿಶ್ರ ಸರ್ಕಾರವಿದ್ದಾಗಲೂ ಅವರು ಪ್ರಚೋದನಾಕಾರಿ ಮಾತುಗಳನ್ನು ಆಡಿ ಸರ್ಕಾರ ಬೀಳಿಸಿದರು. ಸದಾ ಕೆಣಕುವ ಮಾತುಗಳನ್ನಾಡುವುದೇ ಸಿದ್ದರಾಮಯ್ಯನವರ ಕೆಲಸವೆಂದು ಟೀಕಿಸಿದರು.