ನವದೆಹಲಿ: ಪಾರ್ಕ್ ಅಭಿವೃದ್ಧಿಗೆ ನಿಷ್ಕ್ರಿಯ ಯುದ್ಧ ವಿಮಾನವನ್ನು ನೀಡಲು ಮನವಿ

•   Tue, Oct 15 2019 08:30:57 PM



• ನವದೆಹಲಿ, ಅ 15 (DaijiworldNews/SM): ಬಂದರು, ಒಳನಾಡು ಸಾರಿಗೆ ಮತ್ತು ಮುಜರಾಯಿ ಸಚಿವ ಕೋಟ ಶ್ರೀನಿವಾಸ್ ಪೂಜಾರಿ ಅವರು ಕೇಂದ್ರ ರಕ್ಷಣಾ ಸಚಿವರನ್ನು ಭೇಟಿಯಾಗಿದ್ದಾರೆ.

  

  ನವದೆಹಲಿಯಲ್ಲಿಂದು ಕೇಂದ್ರ ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅವರನ್ನು ಭೇಟಿಯಾಗಿ ಉಡುಪಿ ಜಿಲ್ಲೆಯ ಕೋಟದಲ್ಲಿರುವ ಶಿವರಾಮ ಕಾರಂತ ಪಾರ್ಕ್ ನಲ್ಲಿ ಮಕ್ಕಳ ಮನರಂಜನೆಗಾಗಿ ರಕ್ಷಣಾ ಇಲಾಖೆಯ ನಿಷ್ಕ್ರಿಯ ಯುದ್ಧ ವಿಮಾನವನ್ನು ನೀಡಬೇಕೆಂದು ಮನವಿ‌ ಸಲ್ಲಿಸಿದರು.

  ಉಡುಪಿ ಜಿಲ್ಲೆ ಈಗಾಗಲೇ ಪ್ರವಾಸೋದ್ಯಮದಲ್ಲಿ ಸಾಕಷ್ಟು ಅಭಿವೃದ್ಧಿ ಹೊಂದುತ್ತಿದೆ. ಇದೀಗ ನೂತನ ಸರಕಾರದಲ್ಲಿ ಮಂತ್ರಿಯಾಗಿರುವ ಶ್ರೀನಿವಾಸ್ ಪೂಜಾರಿಯವರು ಜಿಲ್ಲೆಯ ಅಭಿವೃದ್ಧಿಗೆ ಹಾಗೂ ತಮ್ಮ ಕ್ಷೇತ್ರದ ಅಭಿವೃದ್ಧಿಗೆ ಶ್ರಮಿಸುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ ಕೋಟದಲ್ಲಿರುವ ಮಕ್ಕಳ ಪಾರ್ಕ್ ಅಭಿವೃದ್ಧಿಗೆ ಅವರು ಮುಂದಾಗಿದ್ದಾರೆ. ಪಾರ್ಕ್ ನಲ್ಲಿ ಮಕ್ಕಳಿಗೆ ಆಟವಾಡುವ ಸಾಮಾಗ್ರಿಗಳ ಅಭಿವೃದ್ಧಿಗೆ ಸಚಿವರು ಕ್ರಮ ಕೈಗೊಳ್ಳುತ್ತಿದ್ದಾರೆ.