ಭಾರತದಲ್ಲಿ ದಾಳಿಗೆ ಉಗ್ರರ ಸಂಚು - ತೀವ್ರ ಕಟ್ಟೆಚ್ಚರ

•   Thu, Oct 03 2019 01:33:21 PM



• ನವದೆಹಲಿ, ಅ.03(Daijiworld News/SS): ಪಾಕ್ ಮೂಲದ ಜೈಷ್​ ಎ ಮೊಹಮ್ಮದ್​ (ಜೆಇಎಂ) ಉಗ್ರಸಂಘಟನೆಗೆ ಸೇರಿದ ನಾಲ್ವರು ಉಗ್ರರು ರಾಷ್ಟ್ರರಾಜಧಾನಿ ದೆಹಲಿಯನ್ನು ಪ್ರವೇಶಿಸಿದ್ದಾರೆ ಎಂದು ಗುಪ್ತಚರ ಇಲಾಖೆ ಭದ್ರತಾ ಸಂಸ್ಥೆಗೆ ಮಾಹಿತಿ ನೀಡಿದೆ.

  

  ಪಾಕಿಸ್ತಾನದಿಂದ ನುಸುಳಿದ್ದಾರೆ ಎನ್ನಲಾಗಿರುವ ಈ ನಾಲ್ವರು ಉಗ್ರರು ಮಾರಕಾಸ್ತ್ರಗಳನ್ನು ಹೊಂದಿದ್ದು ನವರಾತ್ರಿ ಉತ್ಸವದ ವೇಳೆ ದಾಳಿ ಮಾಡುವ ಸಾಧ್ಯತೆ ಹೆಚ್ಚಾಗಿದೆ ಎನ್ನಲಾಗಿದೆ. ಈ ಉಗ್ರರು ರಾಜಧಾನಿಗೆ ನುಸುಳಿದ ಬಗ್ಗೆ ನಿನ್ನೆ ರಾತ್ರಿಯೇ ದೆಹಲಿ ಪೊಲೀಸರನ್ನು ಎಚ್ಚರಿಸಲಾಗಿದೆ ಎಂದು ಗುಪ್ತಚರ ಇಲಾಖೆ ತಿಳಿಸಿದೆ.

  ಈ ಹಿನ್ನಲೆಯಲ್ಲಿ ದೆಹಲಿ ಹಾಗೂ ಸುತ್ತಲಿನ ನಗರಗಳ ಜನನಿಬಿಡ ಪ್ರದೇಶಗಳ ಮೇಲೆ ಪೊಲೀಸ್​ ಕಣ್ಗಾವಲು ಇಡಲಾಗಿದೆ. ಕಾಶ್ಮೀರದ ವಿಶೇಷ ಸ್ಥಾನಮಾನ ರದ್ದುಗೊಳಿಸಿದಾಗಿನಿಂದಲೂ ಪದೇಪದೇ ಉಗ್ರರು ದಾಳಿ ನಡೆಸುವ ಬಗ್ಗೆ ಎಚ್ಚರಿಕೆ ನೀಡುತ್ತಿದ್ದಾರೆ.