ನೀರವ್​​ ಮೋದಿ ಸಹೋದರ ನೇಹಾಲ್​ಗೆ ಇಂಟರ್​ಪೋಲ್​​ ರೆಡ್ ಕಾರ್ನರ್​​​ ನೋಟಿಸ್​​

•   Fri, Sep 13 2019 01:24:18 PM



• ಮುಂಬೈ, ಸೆ.13(Daijiworld News/SS): ಪಂಜಾಬ್‌ ನ್ಯಾಷನಲ್‌ ಬ್ಯಾಂಕ್‌ಗೆ 14 ಸಾವಿರ ಕೋಟಿ ರೂ. ವಂಚನೆ ಮಾಡಿ ವಿದೇಶಕ್ಕೆ ಪರಾರಿಯಾಗಿರುವ ನೀರವ್ ಮೋದಿ ಸಹೋದರ ನೇಹಾಲ್ ಮೋದಿಗೆ ಇಂಟರ್ ಪೋಲ್ ರೆಡ್ ಕಾರ್ನರ್ ನೋಟಿಸ್ ಜಾರಿಗೊಳಿಸಿದೆ ಎಂದು ತಿಳಿದುಬಂದಿದೆ.

  

  ಜಾರಿ ನಿರ್ದೇಶನಾಲಯ ಮನವಿ ಮೇರೆಗೆ ರೆಡ್​​ ಕಾರ್ನರ್​​ ನೋಟಿಸ್​​ ನೀಡಲಾಗಿದೆ ಎನ್ನಲಾಗಿದೆ. ಪಿಎನ್​​ಬಿ ಹಗರಣದಲ್ಲಿ ನೀರವ್​​ ಮೋದಿ ಸಹೋದರನ ಪಾತ್ರ ಇರಬಹುದು ಎಂದು​ ಲಂಡನ್​​ ನ್ಯಾಯಲಯ ಶಂಕೆ ವ್ಯಕ್ತಪಡಿಸಿತ್ತು. ಈ ಬೆನ್ನಲ್ಲೇ ಇಂಟರ್​​ಪೋಲ್ ರೆಡ್​​ ಕಾರ್ನರ್​​ ನೋಟಿಸ್ ನೇಹಾಲ್ ಮೋದಿಗೆ​ ನೀಡಲಾಗಿದೆ.

  ನೇಹಾಲ್ ಬೆಲ್ಜಿಯಂ ಪ್ರಜೆಯಾಗಿದ್ದು, ಈತನ ವಿರುದ್ಧ ಹಣ ಅಕ್ರಮ ವ್ಯವಹಾರ ನಡೆಸಿದ ಆರೋಪವಿದೆ. ಸದ್ಯ ನೆಹಾಲ್ ಅಮೆರಿಕದಲ್ಲಿ ತಲೆಮರೆಸಿಕೊಂಡಿದ್ದಾನೆ ಎಂದು ಮೂಲಗಳು ತಿಳಿಸಿವೆ.