ಭಾರತೀಯ ಸೇನಾಪಡೆಯಿಂದ ಮಹತ್ವದ ಕಾರ್ಯಾಚರಣೆ - ಪಾಕ್ ಮೂಲದ ಇಬ್ಬರು ಉಗ್ರರ ಬಂಧನ

•   Tue, Sep 03 2019 08:34:34 AM



• ನವದೆಹಲಿ, ಸೆ.03(Daijiworld News/SS): ಕಾಶ್ಮೀರದ ಗುಲ್ಮಾರ್ಗ್'ನ ಗಡಿ ನಿಯಂತ್ರಣ ರೇಖೆ ಬಳಿ ಒಳ ನುಸುಳಲು ಯತ್ನಿಸುತ್ತಿದ್ದ ಇಬ್ಬರು ಪಾಕಿಸ್ತಾನದ ಭಯೋತ್ಪಾದಕರನ್ನು ಇಂದು ಬಂಧಿಸಲಾಗಿದೆ ಎಂದು ತಿಳಿದುಬಂದಿದೆ.

  

  
  ಬಂಧಿತ ಉಗ್ರರನ್ನು ನಜ್ನೀನ್ ಖೊಖರ್ (25) ಹಾಗೂ ಖಲೀಲ್ ಅಹ್ಮದ್ ಕಯಾನಿ (36) ಎಂದು ಗುರುತಿಸಲಾಗಿದೆ.

  ಭಾರತೀಯ ಸೇನಾಪಡೆಯ ಮಹತ್ವದ ಕಾರ್ಯಾಚರಣೆ ಇದಾಗಿದ್ದು, ಉಗ್ರರು ಗಡಿ ನುಸುಳುತ್ತಿದ್ದುದ್ದನ್ನು ಕಂಡ ಸೇನಾಪಡೆ ಕೂಡಲೇ ಚುರುಕಿನ ದಾಳಿ ನಡೆಸಿದೆ. ಈ ಸಂದರ್ಭ ಭಾರೀ ಗುಂಡಿನ ಕಾಳಗ ನಡೆದಿದ್ದು, ಇಬ್ಬರು ಉಗ್ರರನ್ನು ಬಂಧಿಸುವಲ್ಲಿ ಸೇನಾಪಡೆ ಯಶಸ್ವಿಯಾಗಿದೆ ಎಂದು ಸೇನಾ ಮೂಲಗಳು ತಿಳಿಸಿದೆ.

  ಗುಲ್ಮಾರ್ಗ್ ಬಳಿಯಿರುವ ಗಡಿ ನಿಯಂತ್ರಣ ರೇಖೆ ಬಳಿ ಕಳೆದ ವಾರ ಭಾರತದೊಳಗೆ ನುಸುಳಲು ಯತ್ನಿಸಿದ್ದ ಇಬ್ಬರನ್ನೂ ಬಂಧನಕ್ಕೊಳಪಡಿಸಲಾಗಿತ್ತು. ಇದೀಗ ಮತ್ತೆ ಇಬ್ಬರು ಪಾಕಿಸ್ತಾನ ಮೂಲದ ಭಯೋತ್ಪಾದಕರನ್ನು ಬಂಧಿಸಲಾಗಿದೆ.