ದುಬಾರಿಯಾಗಲಿದೆ ರೈಲ್ವೇ ಇ-ಟಿಕೆಟ್‌ ​​​​ದರ

•   Sun, Sep 01 2019 12:28:40 PM



• ನವದೆಹಲಿ,ಸೆ 1 (Daijiworld News/RD): ಡಿಜಿಟಲ್ ಪಾವತಿ ಉತ್ತೇಜಿಸುವ ಸಲುವಾಗಿ ರೈಲ್ವೆ ಇಲಾಖೆಯು ಆನ್​ಲೈನ್ ನಲ್ಲಿ​​ ರೈಲು ಟಿಕೆಟ್ ಬುಕ್ಕಿಂಗ್ ಉತ್ತೇಜಿಸಿ, ಸೇವಾ ದರವನ್ನು ಹಿಂಪಡೆದಿತ್ತು. ಆದರೆ ಇದೀಗ ಸೇವಾ ದರವನ್ನು ಮತ್ತೆ ಜಾರಿಗೊಳಿಸಿದ್ದು ಐಆರ್​ಸಿಟಿಸಿ ರೈಲ್ವೇ ಆನ್​ಲೈನ್​​​ ಟಿಕೆಟ್ ಬುಕ್ಕಿಂಗ್​​​ ನ ದರವನ್ನು ಮತ್ತೊಮ್ಮೆ ದುಬಾರಿಗೊಳಿಸಿದೆ.

  

  2016ರಲ್ಲಿ ಕೇಂದ್ರ ಸರ್ಕಾರ ನೋಟ್ ​ಬ್ಯಾನ್ ಮಾಡಿದ ಬಳಿಕ ರೈಲ್ವೆ ಇಲಾಖೆ ಬುಕ್ಕಿಂಗ್​​ನಲ್ಲಿನ ಸೇವಾ ದರವನ್ನು ಹಿಂಪಡೆದಿತ್ತು. ಬಳಿಕ ಡಿಜಿಟಲ್ ಪಾವತಿ ಉತ್ತೇಜಿಸುವ ಸಲುವಾಗಿ ರೈಲ್ವೆ ಇಲಾಖೆ ಆನ್​ಲೈನ್​​ ರೈಲು ಟಿಕೆಟ್ ಬುಕ್ಕಿಂಗ್ ಮಾಡುವ ಅವಕಾಶ ನೀಡಿತ್ತು.

  ಐಆರ್ ಸಿಟಿಸಿ ನಿನ್ನೆ ಹೊರಡಿಸಿರುವ ಪ್ರಕಟಣೆಯಂತೆ, ಇನ್ನು ಮುಂದೆ ಪ್ರತಿ ಟಿಕೆಟಿಗೂ ಜಿ ಎಸ್ ಟಿ ಅನ್ವಯವಾಗಲಿದ್ದು, ಈ ಮೊದಲು ಸೇವಾದರಗಳು ರೂ. 20 (ಎಸಿಯೇತರ) ಹಾಗೂ ರೂ. 40 (ಎಸಿ) ಇತ್ತು. ಅದನ್ನೀಗ ರೂ. 15, ರೂ. 30ರೂ.ಗಳಿಗೆ ನಿಗದಿಪಡಿಸಲಾಗಿದೆ. ನೋಟ್ ​ಬ್ಯಾನ್ ಬಳಿಕ ಸೇವಾ ದರವನ್ನು ಹಿಂಪಡೆದಿದ್ದ ರೈಲ್ವೆ ಇಲಾಖೆ ಕೊಂಚ ನಷ್ಟವನ್ನು ಅನುಭವಿಸಿತ್ತು. ಈ ನಷ್ಟವನ್ನು ಭರಿಸುವುದಕ್ಕೆ ಈ ರೀತಿಯ ಕ್ರಮ ಕೈಗೊಳ್ಳಲಾಗಿದೆ ಎಂದು ಹಣಕಾಸು ಸಚಿವಾಲಯ ರೈಲ್ವೆ ಇಲಾಖೆಗೆ ತಿಳಿಸಿದೆ.