ಚಂದ್ರಯಾನ-2 ಗಗನನೌಕೆಯ ಚಂದ್ರನ 3ನೇ ಕಕ್ಷೆ ಬದಲಾವಣೆ ಪ್ರಕ್ರಿಯೆ ಯಶಸ್ವಿ - ಇಸ್ರೋ

•   Thu, Aug 29 2019 08:09:36 AM



• ನವದೆಹಲಿ, ಆ.29(Daijiworld News/SS): ಭಾರತದ ಮಹಾತ್ವಾಕಾಂಕ್ಷೆಯ ಚಂದ್ರಯಾನ-2 ಗಗನನೌಕೆ ನೂರಾರು ಕನಸುಗಳನ್ನು ಹೊತ್ತು ನಭಕ್ಕೆ ಜಿಗಿದಿದೆ. ಇದೀಗ ಚಂದ್ರಯಾನ-2 ಗಗನನೌಕೆಯ ಚಂದ್ರನ ಮೂರನೇ ಕಕ್ಷೆ ಬದಲಾವಣೆ ಪ್ರಕ್ರಿಯೆ ಯಶಸ್ವಿಯಾಗಿ ನಡೆದಿದೆ ಎಂದು ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ತಿಳಿಸಿದೆ.

  

  ಆ.28ರ ಬೆಳಗ್ಗೆ 9.04ರ ಸಮಯಕ್ಕೆ ನೌಕೆಯಲ್ಲಿರುವ ಇಂಜಿನ್​ನ್ನು 1,190 ಸೆಕೆಂಡುಗಳ ಕಾಲ ದಹಿಸುವ ಮೂಲಕ ಚಂದ್ರನ ದ್ವಿತೀಯ ಕಕ್ಷೆಯಿಂದ ತೃತೀಯ ಕಕ್ಷೆಗೆ ತಲುಪಿಸಲಾಗಿದೆ. ಚಂದ್ರಯಾನ-2ರ ಎಲ್ಲ ಯಂತ್ರಗಳು ಸಹಜ ಸ್ಥಿತಿಯಲ್ಲಿದ್ದು, ಮುಂದಿನ ಕಕ್ಷೆ ಬದಲಾವಣೆ ಪ್ರಕ್ರಿಯೆ ಆ.30ರ ಸಂಜೆ 6 ರಿಂದ 7 ಗಂಟೆಯೊಳಗೆ ನಡೆಸಲಾಗುತ್ತದೆ ಎಂದು ಇಸ್ರೊ ತಿಳಿಸಿದೆ.

  ಕಳೆದ ಆ.20ರಂದು ಚಂದ್ರಯಾನ-2ನ್ನು ಚಂದ್ರನ ಮೊದಲ ಕಕ್ಷೆಗೆ ಯಶಸ್ವಿಯಾಗಿ ಸೇರ್ಪಡೆ ಮಾಡಲಾಗಿತ್ತು. ಸೆ.1 ರಂದು ಕೊನೆಯ ಕಕ್ಷೆ ಬದಲಾವಣೆ ಕಾರ್ಯ ನಡೆಯಲಿದೆ. ಇನ್ನೆರಡು ಕಕ್ಷೆ ಬದಲಾವಣೆ ಬಳಿಕ ಇಸ್ರೋ ಅಂದಾಜಿನ ಪ್ರಕಾರ ಸೆ. 7ರ ಮಧ್ಯರಾತ್ರಿ 1.55ರ ಸುಮಾರಿಗೆ ಚಂದ್ರಯಾನ-2 ಚಂದ್ರನ ಮೇಲ್ಮೈ ಅಂಗಳ ಸ್ಪರ್ಶಿಸಲಿದೆ.