ಕೆ.ಜಿ.ಎಫ್-2 ನ ಸಹ ಕಲಾವಿದ ಅಂದರ್

•   Fri, Aug 16 2019 03:14:41 PM



• ಬೆಂಗಳೂರು,ಆ 16 (Daijiworld News/RD): ಪ್ರಶಾಂತ್ ನೀಲ್ ಚೊಚ್ಚಲ ನಿದೇರ್ಶನದಲ್ಲಿ ಮೂಡಿ ಬಂದ ಕೆ.ಜಿ.ಫ್‌. ಚಾಪ್ಟರ್ 1, ಕನ್ನಡ ಚಿತ್ರರಂಗದಲ್ಲಿ ಸಂಚಲನ ಮೂಡಿಸಿದ ಚಿತ್ರ. ಚಿತ್ರದ ಮುಂದುವರಿದ ಭಾಗ ಕೆ.ಜಿ.ಫ್ ಚಾಪ್ಟರ್ 2 ಸದ್ಯ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದು, ಚಿತ್ರ ತಂಡ ಈಗಾಗಲೇ ಜನರಲ್ಲಿ ಭಾರೀ ನಿರೀಕ್ಷೆಯನ್ನು ಹುಟ್ಟಿಸಿದೆ.  ಇದರ ನಡುವೆ ಈ ಸಿನಿಮಾ ತಂಡದ ಸಹ ಕಲಾವಿದ ರಘು ಅವರನ್ನ ಕೊಲೆ ಆರೋಪದಡಿ ಬಂಧಿಸಲಾಗಿದೆ.

  

  ಕಳೆದ ವಾರ ಚಾಮರಾಜನಗರದ ಗುಂಡ್ಲುಪೇಟೆಯಲ್ಲಿ ಕಾರೊಂದು ಬೆಂಕಿ ಹೊತ್ತಿಕೊಂಡು ಸುಟ್ಟ ಸ್ಥಿತಿಯಲ್ಲಿ ಪತ್ತೆಯಾಗಿತ್ತು. ಅದರೊಳಗಿದ್ದ ವ್ಯಕ್ತಿ ಕೂಡ ಸಾವನ್ನಪ್ಪಿದ್ದ. ಘಟನೆ ನಡೆದಿದ್ದು, ಈ ಘಟನೆಗೆ ಸಂಬಂಧ ಪಟ್ಟಂತೆ ಯುವತಿ ಸೇರಿ ಮೂವರು ಆರೋಪಿಗಳನ್ನು ಬಂಧಿಸಿದ್ದಾರೆ.

  ಕೊಲೆಯಾದ ವ್ಯಕ್ತಿ ಆತನ ಸ್ನೇಹಿತ ಸಿದ್ದು ಆಗಿದ್ದು, ರಘುನ ಗೆಳತಿಯೊಬ್ಬಳ ಜೊತೆ ಆತ ಅನೈತಿಕ ಸಂಬಂಧ ಹೊಂದಿದ್ದನು ಜೊತೆಗೆ ಅವಳ ಫೋಟೋ ಇಟ್ಟುಕೊಂಡು ಹಣಕ್ಕಾಗಿ ಬ್ಲ್ಯಾಕ್​ಮೇಲ್​ ಮಾಡುತ್ತಿದ್ದ ಎಂದು ಸಂತ್ರಸ್ತೆ ರಘು ಬಳಿ ಹೇಳಿಕೊಂಡಿದ್ದಳು. ಇದರಿಂದ ಅಸಮಾಧಾನಗೊಂಡಿದ್ದ ರಘು ಕೊಲೆ ಕೃತ್ಯಕ್ಕೆ ಎಸಗಿದ್ದಾನೆ. ಹೀಗಾಗಿ ರಘು, ಯುವತಿ ಹಾಗೂ ಮತ್ತೋರ್ವ ಸೇರಿ ಈ ಕೊಲೆ ನಡೆಸಿದ್ದು, ಇದೀಗ ಪೊಲೀಸರು ಆರೋಪಿಗಳನ್ನು  ವಶಪಡಿಸಿಕೊಂಡಿದ್ದಾರೆ.

  ಈ ವೇಳೆ ಯುವತಿ ತಾನು ಮೋಸ ಹೋಗಿದ್ದಕ್ಕೆ ಈ ರೀತಿ ಮಾಡಲಾಗಿದೆ ಎಂದು ತನ್ನ ತಪ್ಪೊಪ್ಪಿಕೊಂಡಿದ್ದಾಳೆ. ರಘು ಈ ಮೊದಲು ಸಾಕಷ್ಟು ಸಿನಿಮಾಗಳಿಗೆ ಸ್ಟಂಟ್​ಮನ್​ ಆಗಿ ಕೆಲಸ ಮಾಡಿದ್ದು, ಪ್ರಸ್ತುತ ಪ್ರಶಾಂತ್​ ನೀಲ್​ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ‘ಕೆಜಿಎಫ್ 2​’ ಸಿನಿಮಾದಲ್ಲಿ ಸ್ಟಂಟ್​ಮ್ಯಾನ್​ ಆಗಿ ಕೆಲಸ ಮಾಡುತ್ತಿದ್ದ. ಇದೀಗ ಕೊಲೆ ಪ್ರಕರಣವೊಂದರಲ್ಲಿ ಭಾಗಿಯಾಗಿ ಪ್ರಮುಖ ಆರೋಪಿಯಾಗಿದ್ದು, ಆತನನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ.