ಅಜಾತಶತ್ರುವನ್ನು ನೆನೆದು ಗೌರವ ಸಲ್ಲಿಸಿದ ಪ್ರಧಾನಿ ಮೋದಿ

•   Fri, Aug 16 2019 08:42:37 AM



• ನವದೆಹಲಿ, ಆ 16 (Daijiworld News/MSP): ಮಾಜಿ ಪ್ರಧಾನ ಮಂತ್ರಿ, ಭಾರತ ರತ್ನ ಅಟಲ್‌ ಬಿಹಾರಿ ವಾಜಪೇಯಿ ಅವರ ಮೊದಲ ಪುಣ್ಯತಿಥಿ ಇಂದು . ಈ ಹಿನ್ನಲೆಯಲ್ಲಿ ಶುಕ್ರವಾರ ಬಿಜೆಪಿ ಪಕ್ಷದ ವತಿಯಿಂದ ಅಟಲ್‌ ಬಿಹಾರಿ ವಾಜಪೇಯಿ ಅವರಿಗೆ ಗೌರವ ಸಲ್ಲಿಸಲಾಯಿತು.

  

  ರಾಜ್‌ ಘಾಟ್‌ ನಲ್ಲಿರುವ "ಸದೈವ್ ಅಟಲ್"ಸ್ಮಾರಕಕ್ಕೆ ರಾಷ್ಟ್ರಪತಿ ರಾಮನಾಥ ಕೋವಿಂದ್, ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಮತ್ತು ಗೃಹ ಸಚಿವ ಅಮಿತ್‌ ಶಾ ಶುಕ್ರವಾರ ಮುಂಜಾನೆ ಭೇಟಿ ನೀಡಿ ಅಜಾತಶತ್ರು ಎಂದೇ ಖ್ಯಾತನಾಗಿದ್ದ ಹಿರಿಯ ನಾಯಕನನ್ನು ನೆನೆದು ಪುಷ್ಪನಮನ ಸಲ್ಲಿಸಿದರು.

  ಇವರಲ್ಲದೆ ಅಟಲ್‌ ಬಿಹಾರಿ ವಾಜಪೇಯಿಯವರ ಪುತ್ರಿ ನಮಿತಾ ಕೌಲ್‌ ಭಟ್ಟಾಚಾರ್ಯ, ಮೊಮ್ಮಗಳು ನಿಹಾರಿಕಾ , ಸಚಿವ ಪ್ರಹ್ಲಾದ್ ಜೋಷಿ , ಜೆ. ಪಿ ನಾಡ್ದಾ ಸೇರಿದಂತೆ ಬಿಜೆಪಿ ನಾಯಕರು ನಮನ ಸಲ್ಲಿಸಿದರು.