'ಎಲ್ಲರೂ ತಿರುಗಿ ಬಿದ್ದರೂ ನೀವು ರಾಹುಲ್ ಬೆಂಬಲಕ್ಕೆ ನಿಂತಿದ್ದೀರಿ'- ಪ್ರಿಯಾಂಕಾ ಗಾಂಧಿ

•   Wed, Oct 30 2024 05:01:07 PM



• ವಯನಾಡ್, ಅ.30(DaijiworldNews/AA): ಎಲ್ಲರೂ ತಿರುಗಿ ಬಿದ್ದರೂ, ನೀವು ರಾಹುಲ್ ಗಾಂಧಿ ಬೆಂಬಲಕ್ಕೆ ನಿಂತಿದ್ದೀರಿ. ಏಕತೆ ಹಾಗೂ ಶಾಂತಿಗಾಗಿ ದೇಶದಾದ್ಯಂತ ನಡೆಯಲು ಅವರಿಗೆ ನೀವು ಶಕ್ತಿ ತುಂಬಿದ್ದೀರಿ ಎಂದು ಕಾಂಗ್ರೆಸ್ ನಾಯಕಿ ಪ್ರಿಯಾಂಕಾ ಗಾಂಧಿ ವಾದ್ರಾ ಹೇಳಿದ್ದಾರೆ.

  ವಯನಾಡ್‌ನಲ್ಲಿ ಚುನಾವಣಾ ಸಮಾವೇಶ ಉದ್ದೇಶಿಸಿ ಮಾತನಾಡಿದ ಅವರು, ವಯನಾಡ್ ಕ್ಷೇತ್ರದ ಜನತೆಯ ನಿರಂತರ ಬೆಂಬಲವನ್ನು ಉಲ್ಲೇಖಿಸಿದರು. ನನ್ನ ಜವಾಬ್ದಾರಿ ಏನೆಂಬುದು ಗೊತ್ತಿದೆ. ನನ್ನ ಸಹೋದರನ ಮೇಲಿನ ಪ್ರೀತಿಯಿಂದಲೂ ನೀವು ಇಲ್ಲಿಗೆ ಬಂದಿದ್ದೀರಿ ಎಂಬುದು ನನಗೆ ತಿಳಿದಿದೆ ಎಂದು ಅವರು ತಿಳಿಸಿದರು.

  ವಯನಾಡ್ ಜನರೊಂದಿಗೆ ರಾಹುಲ್ ಅವರಿಗೆ ಗಾಢವಾದ ಸಂಬಂಧವಿದೆ. ಸಾರ್ವಜನಿಕವಾಗಿ ಮಾತ್ರವಲ್ಲದೆ ಖಾಸಗಿಯಾಗಿಯೂ ವಯನಾಡ್ ನನ್ನ ಕುಟುಂಬದವರು ಎಂದು ಹೇಳುತ್ತಾರೆ. ಒಬ್ಬ ಮತದಾರರನ್ನಾಗಿ ಅವರು ನಿಮ್ಮನ್ನು ಕಾಣುತ್ತಿಲ್ಲ. ಕುಟುಂಬದ ಸದಸ್ಯರಂತೆ ನೋಡಿಕೊಳ್ಳುತ್ತಿದ್ದಾರೆ ಎಂದರು.

  ಇಂದು ನಾವು ದೊಡ್ಡ ಹೋರಾಟವನ್ನೇ ನಡೆಸುತ್ತಿದ್ದೇವೆ. ರಾಹುಲ್ ಈ ಹೋರಾಟವನ್ನು ಮುನ್ನಡೆಸುತ್ತಿದ್ದಾರೆ. ನಾವೆಲ್ಲರೂ ಈ ದೇಶದ ಮೌಲ್ಯಗಳಿಗಾಗಿ ಹೋರಾಡುತ್ತಿದ್ದೇವೆ. ಸಂವಿಧಾನದ ಮೌಲ್ಯಕ್ಕಾಗಿ, ಪ್ರಜಾಪ್ರಭುತ್ವಕ್ಕಾಗಿ, ಸಮಾನತೆಗಾಗಿ, ಸತ್ಯಕ್ಕಾಗಿ ಹೋರಾಡುತ್ತಿದ್ದೇವೆ. ಈ ಹೋರಾಟದಲ್ಲಿ ನೀವೆಲ್ಲರೂ ಸೈನಿಕರಾಗಿದ್ದೀರಿ. ನನ್ನಂತೆಯೇ ನಿಮಗೂ ಈ ದೇಶದ ಮೇಲೆ ಜವಾಬ್ದಾರಿ ಇದೆ ಎಂಬುದನ್ನು ಅರ್ಥಮಾಡಿಕೊಳ್ಳಿ. ಸತ್ಯದ ಪರ ನಿಲ್ಲಬೇಕಾದ ಸಮಯ ಇದಾಗಿದೆ. ನಿಮ್ಮ ಪ್ರತಿಯೊಂದು ಮತವು ಸತ್ಯದ ಪರ ನಿಲ್ಲಲಿದೆ ಎಂದು ಅವರು ಗೇಳಿದರು.

  I understand the responsibility that comes with your love and support. When others turned away, Wayanad stood by my brother, giving him the strength to walk across India for unity and peace. Today, we’re fighting together for the values of our Constitution: democracy, equality,… pic.twitter.com/uPTC10NpSy

  — Priyanka Gandhi Vadra (@priyankagandhi) October 30, 2024