ನಂದಾ ದೇವಿ ಪರ್ವತ ಏರಲು ತೆರಳಿದ್ದ 8 ಜನರು ಕಾಣೆ

•   Sat, Jun 01 2019 11:23:21 AM



• ಪಿತೋರ್​ಗಢ,ಜೂ01(DaijiworldNews/AZM): ನಂದಾ ದೇವಿ ಪರ್ವತ ಏರಲು ತೆರಳಿದ್ದ 8 ಜನರು ಕಾಣೆಯಾಗಿದ್ದಾರೆ.

  

  ಕಾಣೆಯಾದವರಲ್ಲಿ ಓರ್ವ ಭಾರತೀಯನೆಂದು ತಿಳಿದುಬಂದಿದೆ. ಮೇ 13ರಂದು ಉತ್ತರಾಖಂಡದ ಪಿತೋರಗಢದಲ್ಲಿರುವ ನಂದಾ ದೇವಿ ಪರ್ವತಕ್ಕೆ ಇಂಗ್ಲೆಂಡ್​, ಅಮೆರಿಕ ಹಾಗೂ ಆಸ್ಟ್ರೇಲಿಯಾದ ಪರ್ವಾತರೋಹಿಗಳು ತೆರಳಿದ್ದರು. 7,434 ಮೀಟರ್​ ಎತ್ತರ ಇರುವ ಈ ಪರ್ವತ ಏರಿ ಶುಕ್ರವಾರ ಅವರು ವಾಪಾಸಾಗಬೇಕಿತ್ತು. ಆದರೆ, ಈ ತಂಡ ಮರಳಿ ಬಂದಿಲ್ಲ.

  ಶುಕ್ರವಾರ ತಡರಾತ್ರಿ ಈ ಬಗ್ಗೆ ಜಿಲ್ಲಾಧಿಕಾರಿಗಳಿಗೆ ಮಾಹಿತಿ ನೀಡಲಾಗಿದೆ. ಜಿಲ್ಲಾಧಿಕಾರಿಗಳ ಸೂಚನೆ ಮೇರೆಗೆ ರಕ್ಷಣಾ ತಂಡವೊಂದು ಇವರ ಹುಡುಕಾಟಕ್ಕೆ ಮುಂದಾಗಿದೆ. ಮುನ್ಸಿಯಾರಿಯಿಂದ ಆರಂಭವಾಗುವ ಚಾರಣ ನಂದಾ ದೇವಿ ಕ್ಯಾಂಪ್​ವರೆಗೆ ಸಾಗುತ್ತದೆ. ಒಟ್ಟು 90 ಕಿ.ಮೀ ಕಾಲ್ನಡಿಗೆಯಲ್ಲಿ ಸಾಗಬೇಕಾಗುತ್ತದೆ. ಈ ವೇಳೆ ಸಾಕಷ್ಟು ಸವಾಲುಗಳನ್ನು ಪರ್ವತಾರೋಹಿಗಳು ಎದುರಿಸುತ್ತಾರೆ.

  8 ಜನರ ತಂಡ ಪರ್ವತ ಇಳಿಯುವಾಗ ಕಾಣೆಯಾಗಿದೆ ಎನ್ನಲಾಗಿದೆ. ಸದ್ಯ ಇವರಿಗಾಗಿ ಹುಡುಕಾಟ ಮುಂದುವರಿದಿದೆ. ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಪಡೆ, ಪ್ರಥಮ ಚಿಕಿತ್ಸೆ ನೀಡುವ ತಂಡ ಶೋಧ ಕಾರ್ಯದಲ್ಲಿ ಪಾಲ್ಗೊಂಡಿದೆ.