ಮೋದಿಯ ನೂತನ ಸಂಪುಟಕ್ಕೆ ಆಯ್ಕೆಯಾದ ಕರುನಾಡಿನ ನಾಲ್ವರು ನಾಯಕರಿಗೆ ಶುಭ ಹಾರೈಸಿದ ಸಿಎಂ

•   Fri, May 31 2019 06:45:53 PM



• ಬೆಂಗಳೂರು, ಮೇ31(Daijiworld News/SS): ಮುಖ್ಯಮಂತ್ರಿ ಎಚ್.ಡಿ. ಕುಮಾರಸ್ವಾಮಿ, ಪ್ರಧಾನಿ ಮೋದಿಯವರ ನೂತನ ಸಚಿವ ಸಂಪುಟದಲ್ಲಿ ಸಚಿವರಾಗಿ ನೇಮಕವಾಗಿರುವ ರಾಜ್ಯದ ನಾಲ್ವರು ನಾಯಕರಿಗೆ ಶುಭ ಹಾರೈಸಿದ್ದಾರೆ.

  

  ಸಿಎಂ ಕುಮಾರಸ್ವಾಮಿ ಸಂಸದರಾದ ಡಿವಿ ಸದಾನಂದಗೌಡ, ಪ್ರಹ್ಲಾದ ಜೋಷಿ, ನಿರ್ಮಲಾ ಸೀತಾರಾಮನ್, ಹಾಗೂ ಸುರೇಶ್ ಅಂಗಡಿ ಅವರುಗಳಿಗೆ ಶುಭ ಕೋರಿದ್ದಾರೆ.

  ರಾಜ್ಯದಿಂದ ಆಯ್ಕೆಯಾದ ಎಲ್ಲಾ ಸಂಸದರಿಗೆ ಶುಭಾಶಯಗಳು, ರಾಜ್ಯದ ಅಭಿವೃದ್ದಿಗಾಗಿ ಮೂವರೂ ಸಂಸದರು ಸರ್ಕಾರದೊಡನೆ ಸಹಕರಿಸುತ್ತೀರಿ ಎಂದು ಭಾವಿಸಿದ್ದೇನೆ ಎಂದು ಕುಮಾರಸ್ವಾಮಿ ಹೇಳಿದ್ದಾರೆ.

  ರಾಜ್ಯದಿಂದ ರಾಜ್ಯಸಭೆಗೆ ಆಯ್ಕೆಯಾಗಿರುವ ನಿರ್ಮಲಾ ಸೀತಾರಾಮನ್ ಮಹತ್ವದ ಹಣಕಾಸು ಸಚಿವರಾಗಿ ನೇಮಕವಾಗಿದ್ದಾರೆ. ಬೆಂಗಳೂರು ಉತ್ತರ ಕ್ಷೇತ್ರದ ಸದಾನಂದಗೌಡ (ರಾಸಾಯನಿಕ ಮತ್ತು ರಸಗೊಬ್ಬರ), ಹುಬ್ಬಳ್ಳಿ-ಧಾರವಾಡದ ಪ್ರಹ್ಲಾದ್ ಜೋಷಿ (ಸಂಸದೀಯ ವ್ಯವಹಾರಗಳು, ಕಲ್ಲಿದ್ದಲು ಮತ್ತು ಗಣಿ ಖಾತೆ ಸಚಿವರು) ಹಾಗೂ ಬೆಳಗಾವಿ ಕ್ಷೇತ್ರದ ಸುರೇಶ್ ಅಂಗಡಿ (ರೈಲ್ವೇ ಖಾತೆ ಸಹಾಯಕ ಸಚಿವ) ಅವರುಗಳು ಮೋದಿ ಸಚಿವ ಸಂಪುಟದಲ್ಲಿ ಮಂತ್ರಿಗಳಾಗಿ ನೇಮಕವಾಗಿದ್ದಾರೆ.