ಐದು ವರ್ಷದ ಬಾಲಕ ರೈಲಿನಿಂದ ಬಿದ್ದು ಪವಾಡ ಸದೃಶ ಪಾರು

•   Thu, Sep 05 2024 10:13:06 AM



• ಒಡಿಶಾ, ಸೆ.5,(DaijiworldNews/TA): ಐದು ವರ್ಷದ ಒಡಿಶಾ ಬಾಲಕ ಕಾಡಿನಲ್ಲಿ ರೈಲಿನಿಂದ ಬಿದ್ದ ಘಟನೆ ಇತ್ತೀಚೆಗೆ ನಡೆದಿದೆ, ಗಂಟೆಗಳ ನಂತರ ಆತನನ್ನು ಗೂಡ್ಸ್ ರೈಲು ಚಾಲಕನ ಸಹಾಯದಿಂದ ರಕ್ಷಿಸಲಾಯಿತು ಎಂದು ವರದಿಯಾಗಿದೆ.

  

  ಒಡಿಶಾದ ಬರ್ಹಾಂಪುರದ ಐದು ವರ್ಷದ ಬಾಲಕ ಅರಣ್ಯ ಪ್ರದೇಶದಲ್ಲಿ ಎಕ್ಸ್‌ಪ್ರೆಸ್ ರೈಲಿನಿಂದ ಬಿದ್ದು ಪವಾಡ ಸದೃಶ ರೀತಿಯಲ್ಲಿ ಪಾರಾಗಿದ್ದಾನೆ. ಗೂಡ್ಸ್ ರೈಲು ಚಾಲಕ ಗಂಟೆಗಳ ನಂತರ ರೈಲ್ವೆ ಹಳಿಗಳ ಮೇಲೆ ಆ ಬಾಲಕನನ್ನು ಗುರುತಿಸಿದ್ದಾನೆ ಮತ್ತು ಅವನನ್ನು ರಕ್ಷಿಸಲು ಸಹಾಯ ಮಾಡಿದ್ದಾನೆ ಎಂದು ತಿಳಿದು ಬಂದಿದೆ.

  ದುರ್ಗ್‌ನಿಂದ ಭುವನೇಶ್ವರಕ್ಕೆ ಪ್ರಯಾಣಿಸುತ್ತಿದ್ದ ಬಾಲಕನ ತಂದೆ ಮತ್ತು ಚಿಕ್ಕಪ್ಪ ನಿದ್ರಿಸುತ್ತಿದ್ದಾಗ ದುರ್ಗ್-ಪುರಿ ಎಕ್ಸ್‌ಪ್ರೆಸ್‌ನಿಂದ ಬಾಲಕ ಬಿದ್ದಿದ್ದಾನೆ ಎಂದು ರೈಲ್ವೆ ಪೊಲೀಸ್ ಇನ್ಸ್‌ಪೆಕ್ಟರ್ ಎಂಕೆ ಸಾಹು ತಿಳಿಸಿದ್ದಾರೆ.