ಭಾರತ್ ಡೋಜೋ ಯಾತ್ರಾ ಶೀಘ್ರದಲ್ಲೇ ಬರಲಿದೆ - ರಾಗಾ

•   Thu, Aug 29 2024 07:42:04 PM



• ನವದೆಹಲಿ, ಆ.29(DaijiworldNews/TA):ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಅವರು ಈ ವರ್ಷದ ಆರಂಭದಲ್ಲಿ ಭಾರತ್ ಜೋಡೋ ನ್ಯಾಯ್ ಯಾತ್ರೆಯ ಸಮಯದಲ್ಲಿ ಅವರು ಮಾರ್ಷಲ್ ಆರ್ಟ್ಸ್ ಸೆಷನ್ಸ್ ತೆಗೆದುಕೊಳ್ಳುವ ವೀಡಿಯೊವನ್ನು ಇಂದು ಹಂಚಿಕೊಂಡಿದ್ದಾರೆ.

  

  ತಮ್ಮ ಅಧಿಕೃತ X ಖಾತೆಯಲ್ಲಿ, ಅವರು "ಭಾರತ್ ಡೋಜೋ ಯಾತ್ರಾ" ಶೀಘ್ರದಲ್ಲೇ ಬರಲಿದೆ ಎಂದು ಪೋಸ್ಟ್ ಹಂಚಿಕೊಂಡಿದ್ದಾರೆ.
  ʻಡೋಜೋʼ ಅಂದ್ರೆ ʻಸಮರ ಕಲೆʼ ಕಲಿಸುವ ಶಾಲೆ. ಕಳೆದ ಭಾರತ್ ಜೋಡೋ ನ್ಯಾಯ ಯಾತ್ರೆ ವೇಳೆ ತಾನು ನಡೆಸಿದ ಮಾರ್ಷಲ್ ಆರ್ಟ್‌ನ ವಿಡಿಯೋ ತುಣುಕನ್ನು ರಾಹುಲ್‌ ಗಾಂಧಿ ತಮ್ಮ ಎಕ್ಸ್‌ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

  ವೀಡಿಯೋದಲ್ಲಿ ಸಮರ ಕಲೆ ಸಮವಸ್ತ್ರಧಾರಿಯಾಗಿರುವ ರಾಹುಲ್ ಗಾಂಧಿ, ಮಾರ್ಷಲ್ ಆರ್ಟ್ಸ್‌ ತರಬೇತುದಾರ ಜಿಯು – ಜಿಟ್ಸುವಿನಲ್ಲಿ ಬ್ಲಾಕ್ ಬೆಲ್ಟ್ ಪಡೆದಿರುವ ಅರುಣ್ ಶರ್ಮಾ ಅವರೊಂದಿಗೆ ಮಕ್ಕಳಿಗೆ ತರಬೇತಿ ಬಗ್ಗೆ ಹೇಳಿಕೊಟ್ಟಿದ್ದಾರೆ.