ಮಂಗಳೂರು: ಆ. 10ಕ್ಕೆ ಆಧ್ಯಾತ್ಮಿಕ ಜಾಗೃತಿಗೆ ಸಹಕರಿಸುವ ಆತ್ಮಾವಲೋಕನ ಕಾರ್ಯಕ್ರಮ

•   Wed, Aug 07 2024 12:03:01 PM



• ಮಂಗಳೂರು, ಆ.07(DaijiworldNews/AA): ಆಧ್ಯಾತ್ಮಿಕ ಜಾಗೃತಿ ಅಥವಾ ಅನುಭವ ಪಡೆಯಲು ಸಹಾಯ ಮಾಡುವ ಕಮ್ಮಟವೊಂದನ್ನು ಇದೇ ಆಗಸ್ಟ 10 ಶನಿವಾರ ಮಧ್ಯಾಹ್ನ 3 ರಿಂದ ರಾತ್ರಿಯ 8 ತನಕ ಬಲ್ಮಠದಲ್ಲಿರುವ ಸಹೋದಯ ಸಭಾಂಗಣದಲ್ಲಿ ಸಾರ್ವಜನಿಕರಿಗಾಗಿ ನಡೆಸಲಾಗುವುದು.

  ಈ ಕಾರ್ಯಕ್ರಮವು ತಮ್ಮಲ್ಲಿರುವ ವೈಯುಕ್ತಿಕ ನೂನ್ಯತೆಗಳನ್ನು ಗುರುತಿಸಿ ಅದರಿಂದ ಆಗುವ ತೊಂದರೆಗಳನ್ನು ಮನಗಂಡು ಅವುಗಳಿಂದ ಮುಕ್ತಿ ಪಡೆಯಲು ಸಹಾಯ ಮಾಡುತ್ತದೆ. ಮುಖ್ಯವಾಗಿ ಮಾನಸಿಕ ಗೊಂದಲಗಳಾದ ಖಿನ್ನತೆ, ಉದ್ವೇಗ ಹಾಗೂ ಏಕಾಂಗಿತನದಿಂದ ಮುಕ್ತರಾಗಲು ಸಹಕಾರಿಯಾಗಿದೆ. ಮಾನಸಿಕ ನೆಮ್ಮದಿಗೆ ಈ ಕಾರ್ಯಕ್ರಮವು ಸಹಕಾರಿ ಯಾಗಬಲ್ಲದು. ಮುಖ್ಯವಾಗಿ ಕೆಲವು ವ್ಯಸನಗಳಿಗೆ ಬಲಿಯಾಗುವ ಕಾರಣಗಳನ್ನು ತಿಳಿದುಕೊಂಡು ಅದರಿಂದ ಮುಕ್ತಿ ಪಡೆಯಲು ಸಹಕಾರಿಯಾಗುತ್ತದೆ.

  ಕಾರ್ಯಕ್ರಮದಲ್ಲಿ ಹಾಜರಾಗುವರ ಬಗ್ಗೆ ಗೌಪ್ಯತೆಯನ್ನು ಕಾಪಾಡುಲಾಗುವುದು. ಈ ಕಾರ್ಯಕ್ರಮಕ್ಕೆ ಹಾಜರಾಗಲು ಶುಲ್ಕವಿರುವುದಿಲ್ಲ ಹಾಜರಿರಲು ಇಚ್ಚಿಸುವರು ತಮ್ಮ ಹೆಸರುಗಳನ್ನು 9964280840 ಈ ಸಂಖ್ಯೆಗೆ ಕರೆ ಮಾಡಿ ನೊಂದಾಯಿಸಿಕೊಳ್ಳಬಹುದು. ಅಪರೂಪದ ಹಾಗೂ ಜೀವನ ರೂಪಿಸಲು ಅಗತ್ಯವಾದ ಕಾರ್ಯಕ್ರಮಕ್ಕೆ ಹಾಜರಾಗಲು ಮುಕ್ತ ಅವಕಾಶವಿದೆ. ಕೆನರಾ ಉಡುಪಿ ಎ ಎ ಸಮೂಹದವರು ಈ ಕಾರ್ಯಕ್ರಮದ ಪ್ರಾಯೋಜಕರಾಗಿದ್ದಾರೆ.