ಕಡಬ: ಅಕ್ರಮ ದನ ಸಾಗಾಟ – ವಾಹನ ಸಹಿತ ಓರ್ವನ ಬಂಧನ

•   Tue, May 21 2019 10:37:58 PM



• ಕಡಬ, ಮೇ21(Daijiworld News/SS): ಯಾವುದೇ ದಾಖಲೆಯಿಲ್ಲದೆ ವಾಹನವೊಂದರಲ್ಲಿ ಅಕ್ರಮವಾಗಿ ಜಾನುವಾರು ಸಾಗಾಟ ಮಾಡುತ್ತಿದ್ದ ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ.

  

  ಕಡಬ ತಾಲೂಕಿನ ಕೊಯಿಲ ಗ್ರಾಮ ನಿವಾಸಿ ಮೊಹಮ್ಮದ್ ಇಕ್ಬಾಲ್ ‌(38ವರ್ಷ) ಬಂಧಿತ ಆರೋಪಿ.

  ಕಡಬ ತಾಲೂಕು ಕೊಯಿಲ‌ ಗ್ರಾಮದ ಗೋಳತ್ತಡಿ - ಕುದ್ಲೂರು ಸಾರ್ವಜನಿಕ ಡಾಮಾರು ರಸ್ತೆಯ ನೆಲ್ಯೊಟ್ಟು ಎಂಬಲ್ಲಿ ತೆರೆದ ಪಿಕಪ್ ವಾಹನವೊಂದರಲ್ಲಿ ಜಾನುವಾರು ಸಾಗಾಟ ಮಾಡುತ್ತಿರುವ ಬಗ್ಗೆ ಪೊಲೀಸರಿಗೆ ಮಾಹಿತಿ ಲಭ್ಯವಾಗಿದ್ದು, ಪೊಲೀಸರು ಪರಿಶೀಲನೆ ನಡೆಸಿ ಆರೋಪಿಯನ್ನು ಬಂಧಿಸಿದ್ದಾರೆ.

  ಪೊಲೀಸರು ಪರಿಶೀಲನೆ ನಡೆಸಿದ ವೇಳೆ ಪಿಕಪ್ ವಾಹನದಲ್ಲಿ ಒಂದು ದನ, ಒಂದು ಹೋರಿಯನ್ನು ಹಿಂಸಾತ್ಮಕ ರೀತಿಯಲ್ಲಿ‌ ಸಾಗಾಟ ಮಾಡುತ್ತಿರುವುದು ಬೆಳಕಿಗೆ ಬಂದಿದೆ.

  ವಶಪಡಿಸಿಕೊಂಡ ಜಾನುವಾರುಗಳ ಮೌಲ್ಯ ರೂ 5000/-  ಎಂದು ಅಂದಾಜಿಸಲಾಗಿದೆ. ದನ ಸಾಗಾಟಕ್ಕೆ ಬಳಸಲಾದ ಪಿಕಪ್ ವಾಹನವನ್ನು ವಶಕ್ಕೆ ತೆಗೆದುಕೊಂಡಿದ್ದಾರೆ.