ಪುತ್ತೂರು: ಮೊಬೈಲ್‌ ನೆಟ್‌ವರ್ಕ್‌ ಏಕಾಏಕಿ ಬಂದ್‌ ; ಖಾತೆಯಲ್ಲಿದ್ದ 1.14 ಲಕ್ಷ ರೂ . ಗುಳುಂ

•   Mon, Aug 05 2024 11:19:53 AM



• ಪುತ್ತೂರು, ಆ 5(DaijiworldNews/MS): ಒಟಿಪಿ ಕೇಳದೆ, ಫೋನ್‌ ಮಾಡದೇ, ಲಿಂಕ್‌ ತೆರೆಯದೇ ಬ್ಯಾಂಕ್‌ ಖಾತೆಯಿಂದ ಬೇರೊಂದು ಖಾತೆಗೆ ಹಣ ವರ್ಗಾವಣೆಗೊಂಡಿದ್ದು, ಇದರಿಂದ ವ್ಯಕ್ತಿಯೊಬ್ಬರು 1.14 ಲಕ್ಷ ರೂ. ವಂಚನೆಗೊಳಗಾಗಿದ್ದು, ಠಾಣೆಗೆ ದೂರು ನೀಡಿದ್ದಾರೆ.

  ಪುತ್ತೂರಿನ ಹೊಟೇಲ್‌ವೊಂದರ ಕಾರ್ಮಿಕ ಕನಕಮಜಲಿನ ನಿವಾಸಿ ವಂಚನೆಗೊಳಗಾದವರು. ಆ. 1ರಂದು ಅಬ್ದುಲ್ಲಾ ಅವರ ಮೊಬೈಲ್‌ ನೆಟ್‌ವರ್ಕ್‌ ಏಕಾಏಕಿ ಬಂದ್‌ ಆಗಿತ್ತು. ಬಳಿಕ ವೈಫೆ„ ಕನೆಕ್ಟ್ ಮಾಡಿ ಮೊಬೈಲ್‌ ಪರಿಶೀಲನೆ ವೇಳೆ ಸಂಶಯಗೊಂಡು ಬ್ಯಾಂಕ್‌ ಖಾತೆ ಪರಿಶೀಲಿಸಿದಾಗ ಆ. 1 ಹಾಗೂ ಆ. 2ರಂದು ಅವರ ಖಾತೆಯಿಂದ ಅರ್ಧ ಗಂಟೆಗೆ 5 ಸಾವಿರದಂತೆ ಹಣ ಬೇರೆ ಖಾತೆಗೆ ವರ್ಗಾವಣೆಯಾಗಿತ್ತು.

  ಒಟ್ಟು 1,14,466 ಲಕ್ಷ ರೂಪಾಯಿ ಹಣ ವಂಚನೆಗೊಳಗಾದವರಿಗೆ ತಿಳಿಯದೇ ಅವರ ಖಾತೆಯಿಂದ ಬೇರೊಂದು ಖಾತೆಗೆ ವರ್ಗಾವಣೆಗೊಂಡಿದೆ. ಈ ಬಗ್ಗೆ ಸಂತ್ರಸ್ತರು ಸೈಬರ್‌ ಠಾಣೆಗೆ ದೂರು ನೀಡಿದ್ದಾರೆ.