ಕಾರ್ಕಳ: ಸಂತ ಲಾರೆನ್ಸ್ ಬಸಿಲಿಕಾ ಅತ್ತೂರು ಬಸಿಲಿಕಾದ ನವ ದಿನದ ನೊವೆನಾ ಪ್ರಾರ್ಥನೆಗೆ ಚಾಲನೆ

•   Thu, Aug 01 2024 06:26:24 PM



• ಕಾರ್ಕಳ , ಆ 01  (DaijiworldNews/ AK):ಸಂತ ಲಾರೆನ್ಸ್ ಬಸಿಲಿಕಾ ಅತ್ತೂರು ಬಸಿಲಿಕಾದ ಸಮರ್ಪಣೆ ಹಾಗೂ ಘೋಷಣೆಯ ಎಂಟನೇ ವಾರ್ಷಿಕೋತ್ಸವ ಮತ್ತು ನಾಮಾಂಕಿತ ಹಬ್ಬದ ಪ್ರಯುಕ್ತ ನವ ದಿನದ ನೊವೆನಾ ಪ್ರಾರ್ಥನೆಗೆ ಚಾಲನೆ ದೊರೆಯಿತು.

  ಸಂತ ಲಾರೆನ್ಸ್ ಬಸಿಲಿಕಾ ಅತ್ತೂರು ಇಲ್ಲಿನ ನಾಮಾಂಕಿತ ಹಬ್ಬದ ಪ್ರಯುಕ್ತ ಒಂಬತ್ತು ದಿನಗಳ ನೊವೆನಾ ಪ್ರಾರ್ಥನೆಗೆ ಉಡುಪಿ ಧರ್ಮಕೇಂದ್ರದ ಚಾನ್ಸಲರ್, ಅತೀ
  ವಂದನೀಯ ಧರ್ಮಗುರುಗಳಾದ ರೋಶನ್ ಡಿ'ಸೋಜಾ ಅವರು ಸಂತ ಲಾರೆನ್ಸರ ಪವಾಡ ಮೂರ್ತಿಯನ್ನು ಆಶೀರ್ವದಿಸಿ, ಬಸಿಲಿಕಾದ ಬಾವುಟ ಹಾರಿಸುವ ಮೂಲಕ ಚಾಲನೆ ನೀಡಿ, ಹಬ್ಬದ ಮಹತ್ವದ ಬಗ್ಗೆ ಸಂದೇಶವಿತ್ತರು.

  ಈ ಕಾರ್ಯದಲ್ಲಿ ಬಸಿಲಿಕಾದ ರೆಕ್ಟರ್ ಹಾಗೂ ಕಾರ್ಕಳ ವಲಯದ ಡೀನ್ ಅತೀ ವಂದನೀಯ ಆಲ್ಬನ್ ಡಿ'ಸೋಜಾ, ಸಹಾಯಕ ಧರ್ಮಗುರುಗಳಾದ ಲ್ಯಾರಿ ಪಿಂಟೊ, ಅಧ್ಯಾತ್ಮಿಕ ಧರ್ಮಗುರುಗಳಾದ ರೋಮನ್ ಮಸ್ಕರೇನಸ್ ಮತ್ತು ಸಂತ ಲೋರೆನ್ಸರ ಭಕ್ತಾದಿಗಳು ಹಾಜರಿದ್ದರು.

   ಕಾರ್ಯಕ್ರಮವನ್ನು ಚರ್ಚಿನ ಪಾಲನಾ ಮಂಡಳಿಯ ಉಪಾಧ್ಯಕ್ಷ ಸಂತೋಷ್ ಡಿ'ಸಿಲ್ವ ನೆರವೇರಿಸಿದರು.ತದನಂತರ ಪ್ರಾರ್ಥನೆ ನಮ್ಮ ಕುಟುಂಬವನ್ನು ಸಂಘಟಿಸುತ್ತದೆ ಎಂಬ ವಿಷಯದ ಬಗ್ಗೆ ಆರಾಧನೆ ಹಾಗೂ ಬಲಿಪೂಜೆಯನ್ನು ಅತೀ ವಂದನೀಯ ರೋಶನ್ ಡಿ'ಸೋಜ ನೆರವೇರಿಸಿದರು.

  ಮೊದಲ ದಿನದ ನೊವೆನಾ ಪ್ರಾರ್ಥನೆಯನ್ನು ಅತೀ ವಂದನೀಯ ಆಲ್ಟನ್ ಡಿ'ಸೋಜ ಇವರು ನೆರವೇರಿಸಿದರು.ಹಾಗೂ ಸಂಘಟಿತ ಕುಟುಂಬಗಳಿಗಾಗಿ ಪ್ರಾರ್ಥಿಸಲಾಯಿತು. ಬಂದ ಎಲ್ಲಾ ಭಕ್ತಾದಿಗಳಿಗೆ ಅನ್ನ ಸಂತರ್ಪಣೆಯ ವ್ಯವಸ್ಥೆಯನ್ನು ಆಯೋಜಿಸಲಾಗಿತ್ತು.