ಕಾರ್ಕಳ: ಅಂಬುಲೆನ್ಸ್ ನಲ್ಲಿ ಹೆಣ್ಣುಶಿಶುಗೆ ಜನ್ಮ

•   Tue, Jul 30 2024 04:49:05 PM



• ಕಾರ್ಕಳ,ಜು 30(DaijiworldNews/MS): ಹೆರಿಗೆ ವೇದನೆ ತೀವ್ರಗೊಳ್ಳುತ್ತಿದ್ದಂತೆ 108 ಅಂಬುಲೆನ್ಸ್ ನಲ್ಲಿ ಗರ್ಭಿಣಿಯೊಬ್ಬರು ಹೆಣ್ಣು ಮಗುವಿಗೆ ಜನ್ಮ ನೀಡಿದ ಬೆಳವಣಿಗೆ ಈದು ಗ್ರಾಮದಲ್ಲಿ ನಡೆದಿದೆ.

  ಈದುವಿನ ಪವಿತ್ರ ಮಗುವಿಗೆ ಜನ್ಮ ನೀಡಿದವರಾಗಿದ್ದಾರೆ.

  ಬೆಳಿಗ್ಗೆ 9.30 ರ ವೇಳೆಗೆ ಕರೆ ಅನ್ವಯ 108 ಅಂಬುಲೆನ್ಸ್ ಈದು ಗ್ರಾಮಕ್ಕೆ ತೆರಳಿ ತುಂಬು ಗರ್ಭಿಣಿಯನ್ನು ಆಸ್ಪತ್ರೆಗೆ ದಾಖಲಿಸಲು ಅಂಬುಲೆನ್ಸ್ ಸಿಬ್ಬಂದಿಗಳು ಮುಂದಾಗಿದರು.

  ಅಂಬುಲೆನ್ಸ್ ಹೊಸ್ಮಾರು ಸೇತುವೆ ದಾಟುವ ಮುನ್ನವೇ ಗರ್ಭಿಣಿ ಹೆಣ್ಣು ಶಿಶು ಜನ್ಮ ನೀಡಿದರು.

  ಬಾಣಂತಿ ಹಾಗೂ ಹೆಣ್ಣು ಶಿಶು ಆರೋಗ್ಯವಂತರಾಗಿದ್ದು, ಕಾರ್ಕಳ ತಾಲೂಕು ಸರಕಾರಿ ಆಸ್ಪತ್ರೆಯಲ್ಲಿ ದಾಖಲಾಗಿದ್ದಾರೆ.

  108 ಅಂಬುಲೆನ್ಸ್ ನ ಸಿಬ್ಬಂದಿಗಳಾದ ಇ ಎಂ ಟಿ ದೇವಕಿ ಪೈಲೆಟ್ ಈರಣ್ಣ ಸುರಕ್ಷಿತವಾಗಿ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿರುತ್ತಾರೆ.‌