ಉಡುಪಿ: ಸೋಮೇಶ್ವರ ಬೆಟ್ಟದ ಭೂಕುಸಿತವನ್ನು ದೂರದಿಂದ ಪರಿಶೀಲಿಸಿದ ಲಕ್ಷ್ಮೀ ಹೆಬ್ಬಾಳ್ಕರ್‌ ಮೇಲೆ ಗ್ರಾಮಸ್ಥರ ಆಕ್ರೋಶ

•   Sun, Jul 21 2024 07:06:18 PM



• ಉಡುಪಿ, ಜು.21(DaijiworldNews/AK): ಗುಡ್ಡದ ಬುಡದಲ್ಲಿ ನೆರೆದಿದ್ದ ಗ್ರಾಮಸ್ಥರೊಂದಿಗೆ ನೇರವಾಗಿ ಸಂವಾದ ನಡೆಸದೆ ಉಡುಪಿ ಉಸ್ತುವಾರಿ ಸಚಿವೆ ಲಕ್ಷ್ಮೀ ಹೆಬ್ಬಾಳ್ಕರ್ ಅವರು ಜುಲೈ 21ರ ಭಾನುವಾರ ಭೂಕುಸಿತವನ್ನು ದೂರದಿಂದ ವೀಕ್ಷಿಸಿದರು ಎಂದು ಅಸಮಾಧಾನ ಹೊರಹಾಕಿದ್ದಾರೆ.

  ಲಕ್ಷ್ಮೀ ಹೆಬ್ಬಾಳ್ಕರ್ ಅವರು ಉಡುಪಿ ಜಿಲ್ಲೆಯ ಪ್ರವಾಹ ಪೀಡಿತ ಪ್ರದೇಶಗಳಿಗೆ ಭೇಟಿ ನೀಡಿದ ಸಂದರ್ಭದಲ್ಲಿ ಸೋಮೇಶ್ವರ ಬೆಟ್ಟದಲ್ಲಿ ಇತ್ತೀಚೆಗೆ ಭೂಕುಸಿತ ಸಂಭವಿಸಿದ ಸ್ಥಳವನ್ನು ಪರಿಶೀಲಿಸಲು ಬೈಂದೂರಿಗೆ ಭೇಟಿ ನೀಡಿದರು.

  ಲಕ್ಷ್ಮಿ ಹೆಬ್ಬಾಳ್ಕರ್ ಅವರು ಕಡಲ ಪ್ರದೇಶದಲ್ಲಿ ನಿಂತು ದೂರದಿಂದಲೇ ವೀಕ್ಷಣೆ ನಡೆಸಿ ವಾಪಾಸಾಗಿದ್ದು, ಗುಡ್ಡ ಜರಿಯುತ್ತಿರುವ ಗುಡ್ಡದ ಬುಡದಲ್ಲಿ ಕಾಯುತ್ತಿದ್ದ ಗ್ರಾಮಸ್ಥರು ಅಲ್ಲೇ ಬಾಕಿಯಾಗಿದ್ದಾರೆ.ಸಚಿವೆ ನಿರ್ಲಕ್ಷಕ್ಕೆ ಆಕ್ರೋಶ ವ್ಯಕ್ತಪಡಿಸಿದ ಸ್ಥಳೀಯ ಗ್ರಾಮಸ್ಥರು ಸಚಿವೆ ಬೀಚ್, ದೇವಸ್ಥಾನ ನೋಡಲು ಬಂದದ್ದಾ? ಗುಡ್ಡ ನೋಡಲು ಬಂದದ್ದಾ? ಎಂದು ಮಾಧ್ಯಮದವರ ಎದುರು ಪ್ರಶ್ನಿಸಿದರು ಅಲ್ಲದೆ ಗುಡ್ಡಜರಿತಕ್ಕೆ ಶೀಘ್ರ ಪರಿಹಾರ ಕಲ್ಪಿಸುವಂತೆ ಗ್ರಾಮಸ್ಥರು ಆಗ್ರಹಿಸಿದರು.

  ಸೋಮೇಶ್ವರ ಬೆಟ್ಟದಲ್ಲಿ ಕಳೆದ ನಾಲ್ಕು ದಿನಗಳಿಂದ ಭೂಕುಸಿತ ಸಂಭವಿಸುತ್ತಿದ್ದು, ಖಾಸಗಿ ರೆಸಾರ್ಟ್ ನಿರ್ಮಾಣದಿಂದ ಅಸ್ಥಿರತೆ ಉಂಟಾಗಿದೆ ಎಂದು ವರದಿಯಾಗಿದೆ.
  
  ಈಗ ನಡೆಯುತ್ತಿರುವ ಭೂಕುಸಿತವನ್ನು ಪರಿಹರಿಸಲು ಮತ್ತು ಹೆಚ್ಚಿನ ಹಾನಿಯನ್ನು ತಡೆಯಲು ಗ್ರಾಮಸ್ಥರು ತಕ್ಷಣ ಪರಿಹಾರವನ್ನು ಒತ್ತಾಯಿಸಿದ್ದಾರೆ.