ಬೆಂಗಳೂರು - ಮಂಗಳೂರು ನಡುವೆ ವಿಶೇಷ ರೈಲು ಸೇವೆ ಪ್ರಾರಂಭ

•   Sat, Jul 20 2024 08:52:11 PM



• ಮಂಗಳೂರು, ಜು. 20(DaijiworldNews/AA): ಗುಡ್ಡ ಕುಸಿತದ ಹಿನ್ನೆಲೆ ಶಿರಾಡಿ ಘಾಟಿ ಮಾರ್ಗದಲ್ಲಿ ಸಂಜೆ 6 ರಿಂದ ಬೆಳಗ್ಗೆ 6 ರ ವರೆಗೆ ಹಾಗೂ ಸಂಪಾಜೆ ಹೆದ್ದಾರಿಯಲ್ಲಿ ಇದೇ 22 ರ ವರೆಗೆ ರಾತ್ರಿ 8 ರಿಂದ ಬೆಳಗ್ಗೆ 6 ರ ವರೆಗೆ ವಾಹನ ಸಂಚಾರ ನಿರ್ಬಂಧಿಸಲಾಗಿದೆ. ಈ ಹಿನ್ನೆಲೆ ಬೆಂಗಳೂರಿನಿಂದ ಮಂಗಳೂರುಗೆ ವಿಶೇಷ ರೈಲು ಸೇವೆ ಪ್ರಾರಂಭಿಸಲಾಗಿದೆ.

  ಜುಲೈ 21 ಮತ್ತು 22 ರಂದು ರೈಲು ಸಂಖ್ಯೆ 06549 ರೈಲು ಮಧ್ಯರಾತ್ರಿ 12.30 ಕ್ಕೆ ಯಶವಂತಪುರದಿಂದ ಹೊರಟು ಬೆಳಗ್ಗೆ 11.40 ಕ್ಕೆ ಮಂಗಳೂರು ಜಂಕ್ಷನ್ ಗೆ ಆಗಮಿಸಲಿದೆ. ಅದೇ ರೀತಿ ಮಂಗಳೂರು ಜಂಕ್ಷನ್ ನಿಂದ ಮದ್ಯಾಹ್ನ 1.40 ಕ್ಕೆ ಹೊರಡಲಿರುವ 06550 ಸಂಖ್ಯೆಯ ರೈಲು ಅದೇ ದಿನ ರಾತ್ರಿ 11.15 ಕ್ಕೆ ಯಶವಂತಪುರ ನಿಲ್ದಾಣ ತಲುಪಲಿದೆ.