ಮಂಗಳೂರು: ಪಲ್ಟಿಯಾದ ಕಾರು, ಇಬ್ಬರಿಗೆ ಗಾಯ

•   Fri, Jul 19 2024 11:46:14 AM



• ಮಂಗಳೂರು, ಜು 19 (DaijiworldNews/MS): ನಗರದ ಕುಂಟಿಕಾನದ ಬಳಿ ಮಳೆಯಿಂದಾಗಿ ಕಾರೊಂದು ಚಾಲಕನ ನಿಯಂತ್ರಣ ಕಳೆದುಕೊಂಡು ಪಲ್ಟಿಯಾದ ಜು. 19ರ ಇಂದು ಬೆಳಗ್ಗೆ ನಡೆದಿದೆ.

  ಅಪಘಾತದಲ್ಲಿ ಇಬ್ಬರು ಗಾಯಗೊಂಡಿದ್ದಾರೆ. ಕೂಳೂರು ಕಡೆಯಿಂದ ಕೆಪಿಟಿ ಕಡೆಗೆ ಬರುತ್ತಿದ್ದ ಕಾರು ಕುಂಟಿಕಾನ ಜಂಕ್ಷನ್‌ ಬಳಿ ಸ್ಕಿಡ್‌ ಆಗಿ ರಸ್ತೆ ಡಿವೈಡರ್ ನಡುವೆ ಬಿದ್ದಿದೆ. ಪರಿಣಾಮವಾಗಿ ಕಾರಿನಲ್ಲಿದ್ದ ಚಾಲಕ ಹಾಗೂ ಅವರ ಪುತ್ರಿಗೆ ಸಣ್ಣ ಪ್ರಮಾಣದಲ್ಲಿ ಗಾಯವಾಗಿರುವುದಾಗಿ ವರದಿಯಾಗಿದೆ.