ಕಾಸರಗೋಡು - ಕೆಲ ಮತಗಟ್ಟೆಗಳಲ್ಲಿ ಮರುಮತದಾನದ ಸಾಧ್ಯತೆ

•   Thu, May 16 2019 02:11:08 PM



• ಕಾಸರಗೋಡು, ಮೇ 16 (Daijiworld News/MSP): ನಕಲಿ ಮತದಾನ ನಡೆದ ಕಾಸರಗೋಡು ಲೋಕಸಭಾ ಕ್ಷೇತ್ರದ ಕೆಲ ಮತಗಟ್ಟೆಗಳಲ್ಲಿ ಮರುಮತದಾನ ನಡೆಯುವ ಸಾಧ್ಯತೆ ಇದೆ ಎಂದು ಚುನಾವಣಾ ಆಯೋಗದ ಮೂಲಗಳು ತಿಳಿಸಿವೆ.

  

  ಈ ಬಗ್ಗೆ ರಾಜ್ಯ ಚುನಾವಣಾ ಆಯೋಗ ಗುರುವಾರ ಸಂಜೆಯೊಳಗೆ ತೀರ್ಮಾನ ತೆಗೆದುಕೊಳ್ಳುವ ಸಾಧ್ಯತೆ ಇದೆ. ಕಾಸರಗೋಡು ಲೋಕಸಭಾ ಕ್ಷೇತ್ರದ ನಾಲ್ಕು ಮತಗಟ್ಟೆಗಳಲ್ಲಿ ನಕಲಿ ಮತದಾನ ಪತ್ತೆಯಾಗಿತ್ತು . ಈ ನಾಲ್ಕು ಮತಗಟ್ಟೆಗಳಲ್ಲಿ ಮರು ಮತದಾನ ನಡೆಯುವ ಸಾಧ್ಯತೆ ಇದೆ . ಕೇಂದ್ರ ಚುನಾವಣಾ ಆಯೋಗದ ಜೊತೆ ಮಾತುಕತೆ ನಡೆಸಿದ ಬಳಿಕ ಈ ಬಗ್ಗೆ ರಾಜ್ಯ ಚುನಾವಣಾ ಆಯುಕ್ತರು ಅಂತಿಮ ತೀರ್ಮಾನ ತೆಗೆದುಕೊಳ್ಳಲಿದ್ದಾರೆ .

  ಕಲ್ಯಾಶ್ಯೆರಿಯ ಪುದಿಯಂಗಡಿ ಶಾಲಾ 69 ಮತ್ತು 70 ನೇ ಮತಗಟ್ಟೆ , ತ್ರಿಕ್ಕರಿಪುರದ 48 ನೇ ಮತಗಟ್ಟೆ ಹಾಗೂ ಪಿಲಾತ್ತರ 19 ನೇ ಮತಗಟ್ಟೆ ನಕಲಿ ಮತದಾನ ಪತ್ತೆಯಾಗಿತ್ತು ಏಪ್ರಿಲ್ 23 ರಂದು ಈ ಕಾಸರಗೋಡು ಲೋಕಸಭಾ ಕ್ಷೇತ್ರದ ಮತದಾನ ನಡೆದಿತ್ತು