ಉಡುಪಿ: ಉದ್ಯಾವರ ಆಟೋ ಟೆಂಪೋ ಮಾಲೀಕ ಆತ್ಮಹತ್ಯೆ

•   Mon, Jul 08 2024 04:49:32 PM



• ಉಡುಪಿ, ಜು.08(DaijiworldNews/AK): ವೈಯಕ್ತಿಕ ಕಾರಣದಿಂದ ಉದ್ಯಾವರ ಆಟೋ ಟೆಂಪೋ ಮಾಲೀಕ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

  ಮೃತರನ್ನು ಉದ್ಯಾವರ ಬೋಳಾರ್ ಗುಡ್ಡೆಯ ಮಹೇಶ್ ಪಾಲನ್ (35) ಎಂದು ಗುರುತಿಸಲಾಗಿದೆ. ಉದ್ಯಾವರ ಹಿಂದೂ ರುದ್ರ ಭೂಮಿಯಲ್ಲಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

  ಉಡುಪಿ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ರಾಮದಾಸ್ ಪಾಲನ್ ಅವರ ಪುತ್ರ ಮಹೇಶ್ (ಮಹಿ) ಇಂದು ಬೆಳಗ್ಗೆ ಮೂರನೇ ತರಗತಿ ಓದುತ್ತಿರುವ ತನ್ನ ಮಗಳನ್ನು ಶಾಲೆಗೆ ಬಿಟ್ಟು ನಂತರ ತನ್ನ ಮನೆಯ ಸಮೀಪದ ಮರ ತುಂಬಿದ ಕೊಠಡಿಯಲ್ಲಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ

  ಮೃತ ಮಹೇಶ್ ಉದ್ಯಾವರದಲ್ಲಿ ಟೆಂಪೋ ರಿಕ್ಷಾ ಚಾಲಕನಾಗಿ ಕೆಲಸ ಮಾಡುತ್ತಿದ್ದ. ಬಿಲ್ಲವ ಮಹಾಜನ ಸಂಘ, ಉದ್ಯಾವರ ಯುವಕ ಮಂಡಲ ಹಾಗೂ ಗುಡ್ಡೆಯಂಗಡಿ ಗೆಳೆಯರ ಬಳಗದಲ್ಲಿ ಸಕ್ರಿಯರಾಗಿದ್ದರು. ಅವರ ತಂದೆ ಆಂಬ್ಯುಲೆನ್ಸ್ ಡ್ರೈವರ್ ಆಗಿ ಕೆಲಸ ಮಾಡುತ್ತಾರೆ.

  ಮಹೇಶ್ ಅವರು ತಂದೆ-ತಾಯಿ, ಇಬ್ಬರು ಸಹೋದರರು, ಪತ್ನಿ ಹಾಗೂ ಪುತ್ರಿಯನ್ನು ಅಗಲಿದ್ದಾರೆ.

  ಯಾವುದೇ ಸಮಸ್ಯೆಗೆ ಆತ್ಮಹತ್ಯೆ ಪರಿಹಾರವಲ್ಲ. ನೀವು ಯಾವುದೇ ತೊಂದರೆಯಲ್ಲಿದ್ದರೆ ದಯವಿಟ್ಟು ಮಾನಸಿಕ ಆರೋಗ್ಯ ತಜ್ಞರ ಸಹಾಯ ಪಡೆಯಿರಿ.  ಸಹಾಯವಾಣಿ ಸಂಖ್ಯೆ - 9152987821