ಕುಂದಾಪುರ: ಆಟೋದಲ್ಲಿ ಪಯಣ ಮಾಡಿದ ಸಂಸದ ಕೋಟ ಶ್ರೀನಿವಾಸ ಪೂಜಾರಿ

•   Mon, Jun 17 2024 03:38:11 PM



• ಕುಂದಾಪುರ, ಜೂ. 17(DaijiworldNews/AA): ಉಡುಪಿ ಚಿಕ್ಕಮಗಳೂರು ಲೋಕಸಭಾ ಕ್ಷೇತ್ರದ ಸಂಸದ ಕೋಟ ಶ್ರೀನಿವಾಸ ಪೂಜಾರಿ ಅವರು ಆಟೋದಲ್ಲಿ ಕುಳಿತು ಒಂದು ಸುತ್ತು ಪಯಣ ಮಾಡುವ ಮೂಲಕ ಗಮನ ಸಳೆದರು.

  ಕುಂದಾಪುರ ವಿನಾಯಕ ಆಟೋ ನಿಲ್ದಾಣದ ಸತೀಶ್ ಪ್ರಭು ಅಪ್ಪಟ ಮೋದಿ ಅಭಿಮಾನಿಯಾಗಿದ್ದು ಕಳೆದ 10 ವರ್ಷಗಳಿಂದ ನರೇಂದ್ರ ಮೋದಿ ಪ್ರಧಾನಿಯಾದ ದಿನವನ್ನು ಒಂದು ರೂಪಾಯಿ ಬಾಡಿಗೆ ತಗೆದುಕೊಳ್ಳುವ ಮೂಲಕ ವಿಶಿಷ್ಟವಾಗಿ ಆಚರಿಸುತ್ತಿದ್ದು ಈ ಬಾರಿ ನರೇಂದ್ರ ಮೋದಿ ಮೂರನೇ ಬಾರಿ ಪ್ರಧಾನಿಯಾದ ಹಿನ್ನೆಲೆಯಲ್ಲಿ ಹನ್ನೊಂದು ವರ್ಷದ ಹಿನ್ನೆಲೆಯಲ್ಲಿ 1 ರೂಪಾಯಿ ಬಾಡಿಗೆಯ ಆಫರ್ ನೀಡಿದ್ದಾರೆ.

  ಕುಂದಾಪುರ ರೈಲ್ವೆ ನಿಲ್ದಾಣದಲ್ಲಿ ಸತೀಶ್ ಪ್ರಭು ಅವರ ರಿಕ್ಷಾದಲ್ಲಿ ಸಂಸದ ಕೋಟ ಶ್ರೀನಿವಾಸ ಪೂಜಾರಿ ಅವರು ಸಾಮಾನ್ಯ ಪ್ರಯಾಣಿಕನಾಗಿ ಕುಳಿತು ಒಂದು ಸುತ್ತು ಬಂದರು. ರಿಕ್ಷಾ ಚಾಲಕ ಸತೀಶ್ ಪ್ರಭು ಅವರ ವಿಶಿಷ್ಟವಾದ ಸೇವೆಯನ್ನು ಶ್ಲಾಘಿಸಿದರು.