ಉಡುಪಿ: ಸಾವಿನ ದವಡೆಗೆ ಸಿಲುಕಿದ ಅಪರಿಚಿತನ ರಕ್ಷಣೆ; ವಾರಸುದಾರರು ಸಂಪರ್ಕಿಸುವಂತೆ ಸೂಚನೆ

•   Sat, Jun 08 2024 07:06:13 PM



• ಉಡುಪಿ, ಜೂ. 08(DaijiworldNews/AA): ಅಸಹಾಯಕ ಸ್ಥಿತಿಯಲ್ಲಿದ್ದ ಅಪರಿಚಿತ ವ್ಯಕ್ತಿಯೊಬ್ಬರನ್ನು ರಕ್ಷಿಸಿದ ಘಟನೆ ಶನಿವಾರ ಉಡುಪಿ ಕಲ್ಸಂಕದ ಕನಕ ಮಹಲ್ ಸನಿಹ, ಇಂದ್ರಾಳಿ ನದಿಯ ದಂಡೆಯ ಬಳಿ ನಡೆದಿದೆ.

  ಅಪರಿಚಿತ ವ್ಯಕ್ತಿಯೊಬ್ಬರು ಸುರಿಯುವ ಮಳೆಯಲ್ಲಿ ಅಸಹಾಯಕ ಸ್ಥಿತಿಯಲ್ಲಿ ನದಿಯ ದಂಡೆಯ ಪಕ್ಕದಲ್ಲಿ ಇದ್ದರು. ಯುವಕ ದಂಡೆಯಿಂದ ಅಕಸ್ಮಾತ್ ಎಡವಿಬಿದ್ದರೆ, ನದಿ ಪಾಲಾಗುವ ಸಂಭವವಿತ್ತು. ಬಳಿಕ ವಿಷಯ ತಿಳಿದ ಸಮಾಜಸೇವಕ ನಿತ್ಯಾನಂದ ಒಳಕಾಡುವರು, ಉಮೇಶ್ ದೇವಾಡಿರ ಸಹಕಾರದಿಂದ ಅಜ್ಜರಕಾಡಿನ ಜಿಲ್ಲಾಸ್ಪತ್ರೆಗೆ ದಾಖಲಿಸಿದ್ದಾರೆ.

  ರಕ್ಷಿಸಲ್ಪಟ್ಟ ಯುವಕ ಬೆಳಗಾವಿಯ ನಿವಾಸಿ ರಾಜು ಪಾಟೀಲ್ ಆಗಿದ್ದು, ತಂದೆ ಕುಬೇರ ಪಾಟೀಲ್ ಆಗಿದ್ದು, ಈತ ಶ್ರೀಕೃಷ್ಣ ಮಠಕ್ಕೆ ಬಂದಿರುವ ಯಾತ್ರಿಕ ಎಂದು ಶಂಕಿಸಲಾಗಿದೆ. ವಾರಸುದಾರರು ಉಡುಪಿಯ ಜಿಲ್ಲಾಸ್ಪತ್ರೆಯನ್ನು ಸಂಪರ್ಕಿಸುವಂತೆ ಸೂಚಿಸಲಾಗಿದೆ.