ಮಣಿಪಾಲ:ಗೇಟಿಗೆ ಸಿಲುಕಿ ನೋವಿನಿಂದ ನರಳುತ್ತಿದ್ದ ಹಾವನ್ನು ರಕ್ಷಿಸಿದ ಉರಗ ತಜ್ಞ

•   Sat, May 11 2019 03:39:44 PM



• ಮಣಿಪಾಲ,ಮೇ 11(DaijiworldNews/AZM):ಮಣಿಪಾಲದಲ್ಲಿರುವ ಮನೆಯೊಂದರ ಗೇಟಿನ ಚೂಪಾದ ಸರಳಿನಲ್ಲಿ ಸಿಲುಕಿ ನೋವಿನಿಂದ ನರಳುತ್ತಿದ್ದ ಕೆರೆ ಹಾವನ್ನು ಉರಗ ತಜ್ಞ ಗುರುರಾಜ್ ಸನಿಲ್ ಅವರು ಸುರಕ್ಷಿತವಾಗಿ ಹೊರತೆಗೆದಿದ್ದಾರೆ. ಹಾಗೂ ಈ ವೇಳೆ ಹಾವಿನ ಕಡಿತಕ್ಕೂ ಒಳಗಾಗಿದ್ದಾರೆ.

  

  ಮಣಿಪಾಲದ ರಾಘವೇಂದ್ರ ನಾಯಕ್ ಅವರ ಮನೆಯ ಗೇಟಿನ ಮೇಲೆ ಹರಿದು ಬಂದ ಹಾವು ಗೇಟಿನ ಚೂಪಾದ ಸರಳಿಗೆ ಸಿಲುಕಿಗೊಂಡಿತ್ತು. ಹಾವಿನ ಹೊಟ್ಟೆಯೊಳಗೆ ರಾಡ್ ಚುಚ್ಚಿಹೋಗಿತ್ತು. ನೋವಿನಿಂದ ನರಳುತ್ತಿದ್ದ ಹಾವನ್ನು ನೋಡಿದ ಮನೆಯವರು ತಕ್ಷಣ ಉರಗ ತಜ್ಞ ಸನಿಲ್ ಅವರಿಗೆ ಮಾಹಿತಿ ನೀಡಿದ್ದಾರೆ. ಸುದ್ದಿ ತಿಳಿದಂತೆ ಸ್ಥಳಕ್ಕಾಗಮಿಸಿದ ಅವರು, ಅರೆ ಜೀವದಲ್ಲಿದ್ದ ಹಾವನ್ನು ಸುರಕ್ಷಿತವಾಗಿ ಹೊರಗೆ ತೆಗೆದಿದ್ದಾರೆ. ಹಾಗೂ ಹಾವಿನ ಕಡಿತಕ್ಕೊಳಗಾಗಿದ್ದಾರೆ. ಕೆರೆ ಹಾವು ವಿಷರಹಿತವಾದ್ದರಿಂದ ಅವರ ಜೀವಕ್ಕೆ ಹಾನಿಯಾಗಲಿಲ್ಲ.

  ಹಾವನ್ನು ಸುರಕ್ಷಿತವಾಗಿ ಹೊರ ತೆಗೆಯಲು ಸುಮಾರು 20 ನಿಮಿಷಗಳ ಕಾಲ ಹರಸಾಹಸ ಪಡಬೇಕಾಗಿ ಬಂತು.