ಬೆಳ್ಮಣ್: ಆಕಸ್ಮಿಕ ಬೆಂಕಿಗಾಹುತಿಯಾದ ಹಲವು ಎಕರೆ ರಬ್ಬರ್ ತೋಟ

•   Fri, May 10 2019 08:24:55 PM



• ಬೆಳ್ಮಣ್, ಮೇ 10 (Daijiworld News/SM): ಆಕಸ್ಮಿಕವಾಗಿ ಬೆಂಕಿ ತಗುಲಿದ ಪರಿಣಾಮ ಗುಡ್ಡ ಪ್ರದೇಶ ಹೊತ್ತಿ ಉರಿದು, ಎಕರೆಗಟ್ಟಲೆ ರಬ್ಬರ್ ಗಿಡಗಳು ಬೆಂಕಿಗಾಹುತಿಯಾಗಿರುವ ಘಟನೆ ಬೆಳ್ಮಣ್ ಸಮೀಪದ ಪೇರಲ್ಪಾದೆ ಎಂಬಲ್ಲಿ ನಡೆದಿದೆ.

  

  ಇಂದು ಮಧ್ಯಾಹ್ನ ಸುಡು ಬಿಸಿಲಿನ ಸಂದರ್ಭ ಏಕಾಏಕಿ ರಬ್ಬರ್ ತೋಟಕ್ಕೆ ಬೆಂಕಿ ತಗುಲಿದೆ. ತಕ್ಷಣ ಸ್ಥಳೀಯರು ಬೆಂಕಿ ನಂದಿಸಲು ಯತ್ನಿಸಿದರು. ಆದರೆ ಯಾವುದೇ ಫಲ ಸಿಕ್ಕಿಲ್ಲ. ಬಳಿಕ ಸುದ್ದಿ ತಿಳಿದು ಸ್ಥಳಕ್ಕಾಗಮಿಸಿದ ಅಗ್ನಿಶಾಮಕ ದಳದ ಸಿಬ್ಬಂದಿಗಳು ಬೆಂಕಿ ನಂದಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

  ಘಟನೆಯಲ್ಲಿ ಹಲವು ಎಕರೆಗಳಲ್ಲಿದ್ದ ರಬ್ಬರ್ ಮರಗಳು ಬೆಂಕಿಗಾಹುತಿಯಾಗಿವೆ.