ಕಾಸರಗೋಡು: ಬಾವಿಗೆ ಬಿದ್ದ ಕೋಳಿ ಯನ್ನು ರಕ್ಷಿಸಲು ಬಾವಿಗಿಳಿದ ಯುವಕ ಸಾವು

•   Tue, May 28 2024 06:33:20 PM



• ಕಾಸರಗೋಡು , ಮೇ 28 (DaijiworldNews/ AK): ಬಾವಿಗೆ ಬಿದ್ದ ಕೋಳಿ ಯನ್ನು ರಕ್ಷಿಸಲು ಬಾವಿಗಿಳಿದ ಯುವಕನೋರ್ವ ಆಯತಪ್ಪಿ ಬಿದ್ದು ಮೃತಪಟ್ಟ ಘಟನೆ ನೆಟ್ಟಣಿಗೆ ಯಲ್ಲಿ ಸೋಮವಾರ ಸಂಜೆ ನಡೆದಿದೆ.

  ನೆಟ್ಟಣಿಗೆ ಪಡೈಮೂಲೆಯ ಸತೀಶ ( 30) ಮೃತಪಟ್ಟವರು. ನೆಟ್ಟಣಿಗೆ ಕಲ್ಲಗ ಎಂಬಲ್ಲಿ ವ್ಯಕ್ತಿಯೋರ್ವರ ಮನೆಯ ಬಾವಿಗೆ ಕೋಳಿ ಬಿದ್ದಿದ್ದು , ಅದನ್ನು ಮೇಲಕ್ಕೆತ್ತಲು ಸತೀಶ್ ಹಗ್ಗದ ಮೂಲಕ ಬಾವಿಗೆ ಇಳಿದಿದ್ದರು. ಮೇಲೇರುತ್ತಿದ್ದಾಗ ಆಯ ತಪ್ಪಿ ಬಾವಿಗೆ ಬಿದ್ದಿದ್ದು

  ಕಾಸರಗೋಡಿನಿಂದ ಆಗಮಿಸಿದ ಅಗ್ನಿಶಾಮಕ ದಳದ ಸಿಬಂದಿಗಳು ಮೇಲಕ್ಕೆತ್ತಿ ಕಾಸರಗೋಡಿನ ಆಸ್ಪತ್ರೆಗೆ ತಲಪಿದರೂ ಜೀವ ಉಳಿಸಲಾಗಲಿಲ್ಲ . ಆದೂರ ಠಾಣಾ ಪೊಲೀಸರು ಮಹಜರು ನಡೆಸಿದರು.