ಪುತ್ತೂರು: ಚಾಲಕನ ನಿಯಂತ್ರಣ ತಪ್ಪಿ ಮನೆ ಮೇಲೆ ಉರುಳಿ ಬಿದ್ದ ಲಾರಿ

•   Tue, May 07 2019 05:22:54 PM



• ಪುತ್ತೂರು, ಮೇ07(Daijiworld News/SS): ಚಾಲಕನ ನಿಯಂತ್ರಣ ತಪ್ಪಿ ಲಾರಿಯೊಂದು ರಸ್ತೆಯ ಕೆಳ ಭಾಗದಲ್ಲಿದ್ದ ಮನೆಯ ಮೇಲ್ಚಾವಣಿಗೆ ಉರುಳಿ ಬಿದ್ದ ಘಟನೆ ನಡೆದಿದೆ.

  

  ಪುತ್ತೂರು ತಾಲೂಕಿನ ಕೋಡಿಂಬಾಡಿ ಎಂಬಲ್ಲಿ ಈ ಅಪಘಾತ ನಡೆದಿದ್ದು, ಲಾರಿ ಚಾಲಕ ಗಂಭೀರವಾಗಿ ಗಾಯಗೊಂಡಿದ್ದಾನೆ.

  ಲಾರಿ ಉರುಳಿ ಬಿದ್ದ ರಭಸಕ್ಕೆ ಮನೆಯ ಹಿಂಭಾಗ ಬಾಗಶ: ಹಾನಿಗೊಂಡಿದೆ. ಮಾತ್ರವಲ್ಲ, ಲಾರಿ ಉರುಳಿ ಬೀಳುವಾಗ ವಿದ್ಯುತ್ ಕಂಬವನ್ನು ಬುಡಮೇಲು ಮಾಡಿದ್ದು, ಅದರ ಜೊತೆಗೆ ಎಚ್ ಟಿ ವಿದ್ಯುತ್ ಲೈನ್ ಧರಶಾಯಿಯಾಗಿದೆ.

  ಪುತ್ತೂರಿನಿಂದ ಉಪ್ಪಿನಂಗಡಿ ಕಡೆ ತೆರಳುತ್ತಿದ್ದ ಬಿಂದು ಕಂಪೆನಿಯ ಜೀರಾ ಸಾಗಾಟದ ಲಾರಿಯೂ (KA 16 –D-0718) ತನ್ನ ಎದುರಿದ್ದ ವಾಹನವನ್ನು ಓವರ್ ಟೆಕ್ ಮಾಡುವ ಭರದಲ್ಲಿ ಚಾಲಕನ ನಿಯಂತ್ರಣ ತಪ್ಪಿ ಮನೆಯ ಮೇಲೆ ಉರುಳಿಬಿದ್ದಿದೆ ಎನ್ನಲಾಗಿದೆ.

  ದುರದೃಷ್ಟವಶಾತ್ ಮನೆ ಮಂದಿ ಪ್ರಾಣಪಾಯದಿಂದ ಪರಾಗಿದ್ದಾರೆ.