ಉಡುಪಿ: ವಿಚಾರಾಧೀನ ಖೈದಿಗೆ ಸಬ್ ಜೈಲ್ ನಲ್ಲಿ‌ ಹೃದಯಾಘಾತ; ಎಸ್ಪಿ ಅರುಣ್ ಕುಮಾರ್ ಮಾಹಿತಿ

•   Sun, May 12 2024 10:52:01 AM



• ಉಡುಪಿ, ಮೇ.12(DaijiworldNews/AA): ವಿಚಾರಾಧೀನ ಖೈದಿಗೆ ಉಡುಪಿ ಜಿಲ್ಲೆಯ ಹಿರಿಯಡ್ಕ ಸಬ್ ಜೈಲ್ ನಲ್ಲಿ‌ ಹೃದಯಾಘಾತವಾಗಿದೆ ಎಂದು ಎಸ್ ಪಿ ಡಾ. ಅರುಣ್ ಕುಮಾರ್ ಮಾಹಿತಿ ನೀಡಿದ್ದಾರೆ.

  ಅನುಪ್ ಶೆಟ್ಟಿ (38) ಹೃದಯಾಘಾತದಿಂದ ಸಾವನ್ನಪ್ಪಿದವರು.

  ವಿಚಾರಾಧೀನ ಖೈದಿ ಅನುಪ್ ಶೆಟ್ಟಿಗೆ ಸಂಜೆವೇಳೆ ಎದೆನೋವು ಕಾಣಿಸಿಕೊಂಡಿದೆ. ಮಾಹಿತಿ ತಿಳಿದ ತಕ್ಷಣ ಸಿಬ್ಬಂದಿಗಳು ಆಸ್ಪತ್ರೆಗೆ ರವಾನಿಸಿದ್ದಾರೆ. ಆದರೆ ಆಸ್ಪತ್ರೆ ಸಾಗಿಸುವ ಮಾರ್ಗ ಮಧ್ಯಯೇ ಸಾವನ್ನಪ್ಪಿದ್ದಾರೆ.

  ಅನುಪ್ ಶೆಟ್ಟಿ ಕುಂದಾಪುರ ದ ಫೈನಾನ್ಶಿಯರ್ ಅಜೇಂದ್ರ ಶೆಟ್ಟಿ ಕೊಲೆ ಆರೋಪಿಯಾಗಿದ್ದು, ಎರಡೂವರೆ ವರ್ಷ ಗಳಿಂದ ವಿಚಾರಾಧೀನ ಖೈದಿಯಾಗಿದ್ದಾರೆ.