ಕೊಕ್ಕಡ : ಸರಣಿ ಅಪಘಾತ - ಐವರಿಗೆ ಗಂಭೀರ ಗಾಯ

•   Mon, May 06 2019 02:52:02 PM



• ಕೊಕ್ಕಡ, ಮೇ 06 (Daijiworld News/MSP): ಆ್ಯಂಬುಲೆನ್ಸ್ ಪಲ್ಟಿಯಾಗಿ , ಎರಡು ಕಾರುಗಳು ಮುಖಾಮುಖಿ ಢಿಕ್ಕಿ ಹೊಡೆದ ಪರಿಣಾಮ ಐದು ಮಂದಿ ಗಂಭೀರ ಗಾಯಗೊಂಡ ಘಟನೆ ಬೆಳ್ತಂಗಡಿ ತಾಲೂಕಿನ ಕೊಕ್ಕಡದಲ್ಲಿ ಮೇ 6 ರ ಮಂಗಳವಾರ ನಡೆದಿದೆ. 

  

  

  

  

  

  

  ಕೊಕ್ಕಡದ ಬೆಂಗಳೂರು ರಾಷ್ಟ್ರೀಯ ಹೆದ್ದಾರಿಯಲ್ಲಿ ಈ ಅಪಘಾತ ನಡೆದಿದ್ದು ಢಿಕ್ಕಿಯ ಪರಿಣಾಮ ಎರಡೂ ವಾಹನದ ಮುಂಭಾಗ ಸಂಪೂರ್ಣ ನಜ್ಜುಗುಜ್ಜಾಗಿದೆ. ಬೆಂಗಳೂರಿನಿಂದ ಮಂಗಳೂರಿಗೆ ಆಗಮಿಸುತ್ತಿದ ಮಾರುತಿ ಸ್ವಿಫ್ಟ್ ಡಿಸೈರ್ ಹಾಗೂ ಪುತ್ತೂರಿನ ರಿಜಿಸ್ಟ್ರೇಶನ್ ಹೊಂದಿರುವ ಮಾರುತಿ ಸಿಲರಿಯೊ ಅಪಘಾತಗೊಂಡ ಕಾರುಗಳು. ಅತೀ ವೇಗದಲ್ಲಿ ಚಲಾಯಿಸಿಕೊಂಡು ಬರುತಿದ್ದ ಆ್ಯಂಬುಲೆನ್ಸ್ ಗೆ ಸೈಡ್ ಕೊಡಲು ಪ್ರಯತ್ನಿಸಿದಾಗ ಈ ಅಪಘಾತ ನಡೆದಿದೆ ಎಂದು ತಿಳಿದುಬಂದಿದೆ . ನಿಯಂತ್ರಣ ಕಳೆದುಕೊಂಡ ಆ್ಯಂಬುಲೆನ್ಸ್ ಕೂಡ ಈ ಎರಡು ಕಾರುಗಳ ಸಮೀಪವೇ ಪಲ್ಟಿ ಹೊಡೆದಿದೆ.