ಕುಂದಾಪುರ: ಸೌಜನ್ಯ ನ್ಯಾಯಕ್ಕಾಗಿ ನೋಟ ಅಭಿಯಾನ ಚುರುಕು

•   Fri, Apr 26 2024 02:34:44 PM



• ಕುಂದಾಪುರ, ಏ.26(DaijiworldNews/AK):ಕುತೂಹಲ ಕೆರಳಿಸಿರುವ ಲೋಕಸಭಾ ಚುನಾವಣೆಯ ಎರಡನೇ ಹಂತದ ಮತದಾನ ಪ್ರಕ್ರಿಯೆ ಇಂದು ಬೆಳಗ್ಗೆಯಿಂದಲೇ ಆರಂಭಗೊಂಡಿದ್ದು ಉಡುಪಿ ಚಿಕ್ಕಮಗಳೂರು ಲೋಕಸಭಾ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಕೋಟ ಶ್ರೀನಿವಾಸ್ ಪೂಜಾರಿಯವರ ತವರು ಆಗಿರುವ ಕೋಟ ಪಡುಕೆರೆಯಲ್ಲಿ ನೋಟ ಅಭಿಯಾನ ಚುರುಕುಗೊಂಡಿದೆ.

  ಧರ್ಮಸ್ಥಳದಲ್ಲಿ ಅತ್ಯಾಚಾರ ಕೊಳಗಾಗಿ ಹತ್ತಿರದ ಕುಮಾರಿ ಸೌಜನ್ಯ ಪರ ನ್ಯಾಯಕ್ಕಾಗಿ ಮಹೇಶ್ ಶೆಟ್ಟಿ ತಿಮರೋಡಿ ನೇತೃತ್ವದ ತಂಡ ನೋಟ ಅಭಿಯಾನ ಆರಂಭಿಸಿದ್ದು ಈ ಹಿಂದೆ ಸೌಜನ್ಯ ಪರ ಹೋರಾಟದಲ್ಲಿ ನಿರತರಾಗಿದ್ದ ದಿನೇಶ್ ಗಾಣಿಗ ಕೋಟ ಅವರ ನೇತೃತ್ವದಲ್ಲಿ ಕೋಟದಲ್ಲಿ ನೋಟ ಅಭಿಯಾನ ನಡೆಯಿತು.

  ಈ ಸಂದರ್ಭ ಮಾತನಾಡಿದ ನೋಟ ಅಭಿಯಾನದ ಸಂಚಾಲಕ ದಿನೇಶ್ ಗಾಣಿಗ ಅವರು ಧರ್ಮಸ್ಥಳದಲ್ಲಿ ನಡೆಯುತ್ತಿರುವ ಅತ್ಯಾಚಾರ ಪ್ರಕರಣಗಳು ತನಿಖೆ ವಿಳಂಬ ನೀತಿಯಿಂದ ಅನ್ಯಾಯಕ್ಕೊಳ್ಳಗಾದ ನತದೃಷ್ಟರಿಗೆ ನ್ಯಾಯ ದೊರಕಿಸಿ ಕೊಡುವಂತೆ ಹಲವು ಹೋರಾಟಗಳನ್ನು ನಡೆಸಲಾಗಿದೆ ಆದರೆ ಇದುವರೆಗೆ ಆಡಳಿತ ಜನಪ್ರತಿನಿಧಿಗಳಾಗಲಿ ಸರ್ಕಾರವಾಗಲಿ, ತಲೆ ಕೆಡಿಸಿಕೊಂಡಿಲ್ಲ ಈ ಹಿನ್ನೆಲೆಯಲ್ಲಿ ಮಹೇಶ್ ಶೆಟ್ಟಿ ತಿಮರೋಡಿ ನೇತೃತ್ವದ ನೋಟ ಅಭಿಯಾನ ಚುರುಕುಗೊಂಡಿದ್ದು ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಒಂದುವರೆ ಲಕ್ಷ ನೋಟ ಅಭಿಯಾನ ನಡೆಸಲಾಗುತ್ತದೆ ಅದೇ ರೀತಿ ಉಡುಪಿ ಚಿಕ್ಕಮಗಳೂರು ಲೋಕಸಭಾ ಕ್ಷೇತ್ರದಲ್ಲಿ ಕನಿಷ್ಠ 50 ಸಾವಿರ ನೋಟ ಮತಗಳನ್ನು ಚಲಾಯಿಸುವಂತೆ ಅಭಿಯಾನ ನಡೆಸಲಾಗುತ್ತಿದೆ ಆ ಮೂಲಕ ಅನ್ಯಾಯಕ್ ಕೊಳಗದ ಸೌಜನ್ಯಳಿಗೆ ಹಾಗೂ ಅವರ ಕುಟುಂಬಕ್ಕೆ ನ್ಯಾಯ ದೊರಕಿಸಿ ಕೊಡುವಂತೆ ಈ ಮೂಲಕ ಹೋರಾಟ ನಡೆಸಲಾಗುತ್ತಿದೆ ಎಂದರು.