ಕಾಸರಗೋಡು: ಸರಣಿ ಕಳ್ಳತನ- ಮನೆಯಿಂದ15 ಪವನ್ ಚಿನ್ನಾಭರಣ ಕಳವು

•   Wed, Apr 17 2024 06:27:15 PM



• ಕಾಸರಗೋಡು,ಏ.17(DaijiworldNews/AK): ಬದಿಯಡ್ಕ ಠಾಣಾ ವ್ಯಾಪ್ತಿಯ ಚೇಡಿಯಡ್ಕ ದಲ್ಲಿ ಸರಣಿ ಕಳ್ಳತನ ನಡೆದಿದ್ದು , ಒಂದು ಮನೆಯಿಂದ ಸುಮಾರು 15  ಪವನ್ ಚಿನ್ನಾಭರಣ ಕಳವು ಮಾಡಲಾಗಿದೆ.

  ಚೇಡಿಕ್ಕಾನದ ಮುಹಮ್ಮದ್ ಶಾಫಿ ಎಂಬವರ ಮನೆಯ ಅಡುಗೆ ಕೋಣೆಯ ಬಾಗಿಲು ಮುರಿದು ಒಳನುಗ್ಗಿರುವ ಕಳ್ಳರು ಕಪಾಟನ್ನು ತೆರೆದು 15 ಪವನ್ ಚಿನ್ನಾಭರಣ ಕಳವು ಮಾಡಿದ್ದಾರೆ.

  ಮನೆಯವರು ಸಂಬಂಧಿಕರ ಮನೆಗೆ ತೆರಳಿ ಮರಳಿ ಬಂದಾಗ ಕೃತ್ಯ ಬೆಳಕಿಗೆ ಬಂದಿದೆ. ಸಮೀಪದ ಕಲಂದರ್ ಹಾಗೂ ಅಬ್ದುಲ್ ಖಾದರ್ ರವರ ಮನೆಗೆ ನುಗ್ಗಿದ್ದು , ಮನೆಯವರು ಗಲ್ಫ್ ನಲ್ಲಿದ್ದು , ಕಳವಾದ ಸೊತ್ತುಗಳ ಬಗ್ಗೆ ಮಾಹಿತಿ ಲಭಿಸಿಲ್ಲ . ಬದಿಯಡ್ಕ ಠಾಣಾ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ