ಕಾಸರಗೋಡು: ರಾಷ್ಟ್ರೀಯ ಹೆದ್ದಾರಿ ಅಭಿವೃದ್ಧಿ ಕಾಮಗಾರಿ- ನಾಳೆ ರಾತ್ರಿಯಿಂದ ನುಳ್ಳಿಪ್ಪಾಡಿ ಸಂಚಾರ ಬಂದ್‌

•   Tue, Apr 16 2024 10:02:18 PM



• ಕಾಸರಗೋಡು, ಏ.16(DaijiworldNews/AK):ರಾಷ್ಟ್ರೀಯ ಹೆದ್ದಾರಿ ಅಭಿವೃದ್ಧಿ ಕಾಮಗಾರಿ ಹಿನ್ನಲೆಯಲ್ಲಿ ನುಳ್ಳಿಪ್ಪಾಡಿ ಯಿಂದ ಕಾಸರಗೋಡು ಹೊಸಬಸ್ಸು ನಿಲ್ದಾಣ ತನಕ ರಾಷ್ಟೀಯ ಹೆದ್ದಾರಿಯಲ್ಲಿ ನಾಳೆ ( ಬುಧವಾರ ) ರಾತ್ರಿಯಿಂದ ಸಂಚಾರ ನಿರ್ಬಂಧಿಸಲಾಗಿದೆ.

  17 ರಾತ್ರಿ 9 ಗಂಟೆಯಿಂದ 18 ರ ಬೆಳಿಗ್ಗೆ 7. 30ರ ತನಕ ರಾಷ್ಟ್ರೀಯ ಹೆದ್ದಾರಿ ಯಲ್ಲಿ ಸಂಚಾರ ಬಂದ್ ಮಾಡಲಾಗುವುದು ಎಂದು ಊರಂಗಲ್ ಸೊಸೈಟಿ ಅಧಿಕಾರಿಗಳು ತಿಳಿಸಿದ್ದಾರೆ.

  ಕಾಸರಗೋಡು ಮೇಲ್ಸೇತುವೆ ಕಾಮಗಾರಿ ನಡೆಯುತ್ತಿದೆ. ಕಾಮಗಾರಿ ವೇಳೆ ಸಂಚಾರಕ್ಕೆ ಅಡಚಣೆ ಉಂಟಾಗಲಿದೆ . ಈ ಹಿನ್ನಲೆಯಲ್ಲಿ ತಾತ್ಕಾಲಿಕವಾಗಿ ಸಂಚಾರ ನಿರ್ಬಂಧಿಸಲಾಗುವುದು ಎಂದು ತಿಳಿಸಿದ್ದಾರೆ.

  ಮಂಗಳೂರು , ಕಾಞ೦ಗಾಡ್ ದಾರಿಯಾಗಿ ಸಂಚರಿಸುವ ವಾಹನಗಳು ಕೆ ಎಸ್ ಟಿ ಪಿ ರಸ್ತೆ ಮೂಲಕ ಕಾಸರಗೋಡು ನಗರ ಹಾಗೂ ಚೆಂಗಳ ನಡುವಿನ ವಾಹನಗಳು ಮಧೂರು ರಸ್ತೆ , ಚೌಕಿ , ಉಳಿಯತ್ತಡ್ಕ ಮೂಲಕ ಸಂಚರಿಸುವಂತೆ ತಿಳಿಸಲಾಗಿದೆ