ಸುಳ್ಯ: ಮರಕ್ಕೆ ಢಿಕ್ಕಿ ಹೊಡೆದು ಹೊಂಡಕ್ಕೆ ಉರುಳಿದ ಕಾರು - ಪ್ರಯಾಣಿಕರು ಪಾರು

•   Sat, May 04 2019 11:16:59 AM



• ಸುಳ್ಯ,ಮೇ 04 (Daijiworld News/MSP): ಇಲ್ಲಿನ ಅರಂಬೂರು ಬಳಿ ಮೇ.04 ರ ಶನಿವಾರ ಮುಂಜಾನೆ ಕಾರೊಂದು ಅಪಘಾತಕ್ಕೀಡಾಗಿ ಕಾರಿನಲ್ಲಿದ್ದ ಚಾಲಕ ಸಹಿತ ಆರು ಮಂದಿ ಪ್ರಯಾಣಿಕರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.

  

  ಕಾಂಜಗಾಡಿನ ನಜೀರ್ ಅವರ ಕುಟುಂಬ ಬೆಂಗಳೂರಿಗೆ ತೆರಳಿತ್ತು. ಬೆಂಗಳೂರಿನಿಂದ ಶುಕ್ರವಾರ ರಾತ್ರಿ ಹೊರಟು ಶನಿವಾರ ಬೆಳಿಗ್ಗೆ ಸುಳ್ಯದ ಅರಂಬೂರು ಬಳಿ ಚಾಲಕನ ನಿಯಂತ್ರಣ ತಪ್ಪಿ ಪಕ್ಕದ ರಸ್ತೆ ಬದಿಯ ಕಲ್ಲುಗಳಿಗೆ ಹಾಗೂ ಮರವೊಂದಕ್ಕೆ ಡಿಕ್ಕಿ ಹೊಡೆದು ಹೊಂಡಕ್ಕೆ ಉರುಳಿ ಬಿದ್ದಿದೆ.

  ನಜೀರ್ ಕಾರನ್ನು ಚಲಾಯಿಸುತ್ತಿದ್ದು ಹಣೆಯ ಭಾಗಕ್ಕೆ ಸ್ವಲ್ಪ ಗಾಯವಾಗಿದೆ. ಉಳಿದವರಿಗೆ ಯಾವುದೇ ಗಾಯವಿಲ್ಲದೆಪ್ರಾಣಾಪಾಯದಿಂದ ಪಾರಾಗಿದ್ದಾರೆ. .ಕ್ರೇನ್ ಮೂಲಕ ಕಾರನ್ನು ಮೇಲಕ್ಕೆ ಎತ್ತಲಾಗಿದೆ.