ಹೆಬ್ರಿ: ಎರಡು ಕಾರುಗಳ ನಡುವೆ ಅಪಘಾತ - ಇಬ್ಬರು ಪ್ರಯಾಣಿಕರಿಗೆ ಗಾಯ

•   Thu, Feb 29 2024 06:36:13 PM



• ಹೆಬ್ರಿ, ಫೆ 29 (DaijiworldNews/HR): ಎರಡು ಕಾರುಗಳು ಮುಖಾಮುಖಿ ಢಿಕ್ಕಿ ಹೊಡೆದು ಇಬ್ಬರು ಪ್ರಯಾಣಿಕರು ಗಾಯಗೊಂಡ ಘಟನೆ ಹೆಬ್ರಿ ತಾಲೂಕಿನ ವರಂಗ ಗ್ರಾ.ಪಂ ವ್ಯಾಪ್ತಿಯ ಮುನಿಯಾಲು ಪೇಟೆಯಲ್ಲಿ ಗುರುವಾರ ಸಂಜೆ ನಡೆದಿದೆ.

  ಚಟ್ಕಲ್ ಪಾದೆಯಿಂದ ಮುನಿಯಾಲು ಕಡೆಗೆ ಸಾಗುತಿದ್ದ ಕಾರು, ಕಾರ್ಕಳದಿಂದ ಹೆಬ್ರಿ ಕಡೆಗೆ ಸಾಗುತಿದ್ದ ಕಾರು ಮುಖಮುಖಿ ಢಿಕ್ಕಿ ಹೊಡೆದಿದ್ದು, ಕಾರಿನ ಚಾಲಕ ಜಗದೀಶ್ ಆಚಾರ್ , ಹಾಗೂ ಮಹಿಳೆಯೋರ್ವರಿಗೆ ತೀವ್ರ ಸ್ವರೂಪದ ಗಾಯಗಳಾಗಿದ್ದು ಗಾಯಾಳುಗಳನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಲಾಗಿದೆ.

  ಅಪಘಾತದ ತೀವ್ರತೆಗೆ ಕಾರಿನ ಮುಂಭಾಗವು ಸಂಪೂರ್ಣ ಜಖಂ ಗೊಂಡಿದ್ದು ಪ್ರಯಾಣಿಕರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.

  ಒಂದೆ ತಿಂಗಳಲ್ಲಿ ಎಂಟು ಅಪಘಾತಗಳು:

  ಕಾಡುಹೊಳೆ ಮುನಿಯಾಲು ಚಟ್ಕಲ್ ಪಾದೆ ಮುಖ್ಯ ರಸ್ತೆಯು ಚತುಷ್ಪತ ರಸ್ತೆಯಾಗಿ ಮೆಲ್ದರ್ಜೆಗೆ ಏರಿಸಲಾಗುತಿದೆ. ಆದರೆ ಕಳೆದ ಒಂದುವರೆ ವರ್ಷಗಳಲ್ಲಿ ಅಗಲೀಕರಣ ಕಾಮಗಾರಿ ನಡೆಯುತಿದ್ದರು ಇನ್ನೂ ಪೂರ್ಣ ಗೊಂಡಿಲ್ಲ. ಕಾಮಗಾರಿ ಇಕ್ಕೆಲಗಳಲ್ಲಿ ಎಲ್ಲಿಯು ಬೋರ್ಡ್ ಗಳನ್ನು ಅಳವಡಿಸಿಲ್ಲ ಇದರಿಂದಾಗಿ ಸರಣಿ ಅಪಘಾತಗಳು ನಡೆಯುತ್ತಿವೆ. ವೇಗವಾಗಿ ಸಾಗುವ ವಾಹನಗಳಿಗೆ ಬೋರ್ಡ್ ಗಳಿಲ್ಲದ ಕಾರಣ ದನವೊಂದು ಢಿಕ್ಕಿ ಯಾಗಿ ಸತ್ತು ಹೋಗಿತ್ತು. ಕಳೆದ ಒಂದೆ ತಿಂಗಳಲ್ಲಿ ಎಂಟು ಅಪಘಾತಗಳು ನಡೆದಿದ್ದು ಲೋಕೋಪಯೋಗಿ ಇಲಾಖೆ ಹಾಗೂ ಗುತ್ತಿಗೆ ದಾರರು ಸೂಚನಾ ಫಲಕಗಳ ಬೋರ್ಡ್ ಅಳವಡಿಸಿಲ್ಲ.