ಮಂಗಳೂರು:ಶ್ರೀಲಂಕಾ ಬಾಂಬ್ ಸ್ಫೋಟದಲ್ಲಿ ಮೃತಪಟ್ಟ ರಝೀನ ಮನೆಗೆ ಸಚಿವ ಖಾದರ್ ಭೇಟಿ

•   Sun, Apr 28 2019 07:17:11 PM



• ಮಂಗಳೂರು,ಏ28(DaijiworldNews/AZM):ಶ್ರೀಲಂಕಾದಲ್ಲಿ ನಡೆದ ಭೀಕರ ಸರಣಿ ಬಾಂಬ್ ಸ್ಫೋಟದಲ್ಲಿ ಮೃತಪಟ್ಟ ಬೈಕಂಪಾಡಿ ಮೂಲದ ರಝೀನಾ ಖಾದರ್ ಕುಕ್ಕಾಡಿಯವರ ಮನೆಗೆ ಭೇಟಿ ನೀಡಿದ ಸಚಿವ ಯು.ಟಿ. ಖಾದರ್ ಅವರ ಕುಟುಂಬಸ್ಥರಿಗೆ ಸಾಂತ್ವನ ನೀಡಿದ್ದಾರೆ.

  

  ಇಂದು ಯು.ಟಿ.ಖಾದರ್ ರವರು ಬೈಕಂಪಾಡಿಯ ಕುಕ್ಕಾಡಿಯಲ್ಲಿರುವ ರಝೀನ ಮನೆಗೆ ಭೇಟಿ ನೀಡಿ ಅವರ ಪತಿ ಖಾದರ್, ಮಕ್ಕಳು ಸೇರಿದಂತೆ ಮನೆಮಂದಿಗೆ ಸಾಂತ್ವನ ನೀಡಿದರು. 

  

  

  ರಝೀನ ಅವರು ತಮ್ಮ ಪತಿ ಖಾದರ್ ಜೊತೆ ಶ್ರೀಲಂಕಾದಲ್ಲಿರುವ ಸಂಬಂಧಿಕರ ಮನೆಗೆ ಹೋಗಿದ್ದರು. ಹಾಗೂ ಖಾದರ್ ಶ್ರೀಲಂಕಾದಿಂದ ದುಬೈ ತೆರಳಿದ್ದರು. ಬಾಂಬ್ ಸ್ಪೋಟ ನಡೆದ ರೆಸ್ಟೋರೆಂಟಲ್ಲಿ ರಝೀನ ತಮ್ಮ ಸಂಬಂಧಿಕರ ಜೊತೆ ತೆರಳಿದ್ದ ಹಿನ್ನಲೆ ಅವರು ಮೃತಪಟ್ಟಿದ್ದಾರೆ.