ಮಲ್ಪೆ:ಮೀನುಗಾರಿಕೆಗೆ ಹೋದ ವ್ಯಕ್ತಿ ನಾಪತ್ತೆ-ಕಾಲು ಜಾರಿ ಸಮುದ್ರ ಪಾಲಾಗಿರುವ ಶಂಕೆ

•   Sat, Apr 27 2019 09:24:09 PM



• ಮಲ್ಪೆ,ಏ27(Daijiworld News/AZM):ಮಲ್ಪೆಯಿಂದ ಮೀನುಗಾರಿಕೆಗೆ ಹೋದ ಬೋಟಿನಲ್ಲಿದ್ದ ವ್ಯಕ್ತಿಯೋರ್ವರು ಕಾಣೆಯಾಗಿದ್ದು ಈ ಕುರಿತು ಮಲ್ಪೆ ಪೊಲೀಸ್ ಠಾಣೆಯಲ್ಲಿ ಇಂದು ದೂರು ದಾಖಲಾಗಿದೆ.

  

  ಏ.25ರಂದು ರಾತ್ರಿ 10.30ರ ವೇಳೆ ಮಲ್ಪೆಯಿಂದ ಹೊರಟ ಬೋಟ್ ಸಮುದ್ರ ಮಧ್ಯ ಆಗುವ ವೇಳೆ ಬೋಟಿನಲ್ಲಿ ಇದ್ದವರು ಮಲಗಿದ್ದು, ಮರುದಿನ ಬೆಳಿಗ್ಗೆ ಏಳುವ ವೇಳೆ ಒಬ್ಬರು ವ್ಯಕ್ತಿ ನಾಪತ್ತೆಯಾಗಿದ್ದಾರೆ ಎಂದು ದೂರಿನಲ್ಲಿ ದಾಖಲಿಸಲಾಗಿದೆ. ನಾಪತ್ತೆಯಾಗಿರುವ ವ್ಯಕ್ತಿಯನ್ನು ಶೇಖ್ ದಾವುದ್(48) ಎಂದು ಗುರುತಿಸಲಾಗಿದೆ.

  ಶೇಖ್ ದಾವುದು ಅವರು ರಾತ್ರಿ ವೇಳೆ ಯಾವುದೋ ಕಾರಣಕ್ಕೆ ಎದ್ದು ಬೋಟಿನಿಂದ ಕಾಲು ಜಾರಿ ಸಮುದ್ರಕ್ಕೆ ಬಿದ್ದಿರಬಹುದೆಂದು ಶಂಕಿಸಲಾಗಿದ್ದು, ಈವರೆಗೂ ಅವರ ಕುರಿತು ಯಾವುದೇ ಮಾಹಿತಿ ಪತ್ತೆಯಾಗಿಲ್ಲ ಎಂದು ದೂರಿನಲ್ಲಿ ದೂರಲಾಗಿದೆ. ಮಲ್ಪೆ ಪೊಲೀಸರು ದೂರು ದಾಖಲಿಸಿದ್ದು ತನಿಖೆ ಮುಂದುವರಿಸಿದ್ದಾರೆ.