ಕಾರ್ಕಳ: ಮಾನಸಿಕ ಅಸ್ವಸ್ಥಗೊಳಗಾದ ವ್ಯಕ್ತಿಯಿಂದ ಮದುವೆ ಮನೆಗೆ ನುಗ್ಗಿ ದಾಂಧಲೆ

•   Sun, Feb 04 2024 03:24:12 PM



• ಕಾರ್ಕಳ, ಫೆ 04 (DaijiworldNews/HR): ಮಾನಸಿಕ ಅಸ್ವಸ್ಥಗೊಳಗಾದ ವ್ಯಕ್ತಿಯೊಬ್ಬ ಬೆಳುವಾಯಿ ಸಮೀಪದ ಮಾಡಿಕೊಡಿ ಎಂಬಲ್ಲಿ ಮದುವೆ ಮನೆಗೆ ನುಗ್ಗಿ ದಾಂಧಲೆ ಉಂಟುಮಾಡಿ ಕಾರಿನ ಗ್ಲಾಸ್ ಕೈಯಿಂದ ಪುಡಿಗೈದು ಅಶಾಂತಿ ಉಂಟು ಘಟನೆ ಭಾನುವಾರ ಬೆಳಿಗ್ಗೆ ನಡೆದಿದೆ.

  ಮೂಡುಬಿದಿರೆ ದಿನೇಶ್ (54) ಎಂಬಾತ ದಾಂಧಲೆ ಗೈದಿದ್ದು, ಸಾರ್ವಜನಿಕ ಮಾಹಿತಿಯನ್ವಯ ಮೂಡುಬಿದಿರೆ ಪೊಲೀಸರು ಘಟನಾ ಸ್ಥಳಕ್ಕೆ ಅಗಮಿಸಿದ್ದರು.

  ಅದಾಗಲೇ ದಾಂಧಲೆ ಗೈದ ವ್ಯಕ್ತಿಯನ್ನು ನೈಲಾನ್ ಹಗ್ಗದಿಂದ ಕಟ್ಟಿಹಾಕಲಾಗಿತ್ತು. ದಾಂಧಲೆ ಮಾಡಿದ ಸಂದರ್ಭದಲ್ಲಿ ಕೈಗೆ ಗಾಯ ಉಂಟಾಗಿದ್ದು, ರಕ್ತ ಸ್ರಾವವಾಗುತ್ತಿತ್ತು.
  ಇದರ ಹಿನ್ನೆಲೆಯಲ್ಲಿ ಪೊಲೀಸರು 108 ಅಂಬುಲೆನ್ಸ್ ಗೆ ಕರೆ ಮಾಡಿ ಬರ ಮಾಡಿಕೊಂಡಿದ್ದು, 108 ಆರೋಗ್ಯಕವಚ ಕಾರ್ಕಳ ಆಂಬುಲೆನ್ಸ್ ಎಂಟಿ ರಾಜಶೇಖರ್ ಮತ್ತು ಪೈಲೆಟ್ ವಿನೋದ್ ಕುಮಾರ್ ರೋಗಿಗೆ ಪ್ರಥಮ ಚಿಕಿತ್ಸೆ ನೀಡಿದ್ದಾರೆ.

  ಹೆಚ್ಚಿನ ಚಿಕಿತ್ಸೆಗಾಗಿ ದಿನೇಶ್ ನನ್ನು ಮೂಡುಬಿದಿರೆ ಸರಕಾರಿ ಆಸ್ಪತ್ರೆಗೆ ಕರೆದೊಯ್ಯಲಾಗಿದೆ.