ಕಾಸರಗೋಡು: 60 ವರ್ಷದ ಜೋನ್ ಡಿಸೋಜ ನಿಗೂಢವಾಗಿ ನಾಪತ್ತೆ!

•   Sat, Feb 03 2024 07:26:32 PM



• ಕಾಸರಗೋಡು , ಫೆ 3(DaijiworldNews/AK):ವ್ಯಕ್ತಿಯೋರ್ವ ನಿಗೂಢವಾಗಿ ನಾಪತ್ತೆಯಾಗಿರುವ ಘಟನೆ ಧರ್ಮತ್ತಡ್ಕದಲ್ಲಿ ನಡೆದಿದೆ.

  ಧರ್ಮತ್ತಡ್ಕದ ಜೋನ್ ಡಿಸೋಜ ( 60) ನಾಪತ್ತೆಯಾದವರು. ಇವರ ಮೊಬೈಲ್ ಫೋನ್ ಮತ್ತು ಸ್ಕೂಟರ್ ಉಪ್ಪಳ ನಯಬಜಾರ್ ಬಳಿಯ ಅಂಬಾರ್ ಎಂಬಲ್ಲಿ ಪತ್ತೆಯಾಗಿದೆ.

  ಪೆರ್ಮುದೆ ತೆರಳುವುದಾಗಿ ಗುರುವಾರದಂದು ತೆರಳಿದ್ದ ಇವರು ನಾಪತ್ತೆಯಾಗಿರುವುದಾಗಿ ಪೊಲೀಸರಿಗೆ ನೀಡಿದ ದೂರಿನಲ್ಲಿ ತಿಳಿಸಲಾಗಿದೆ.ತಡರಾತ್ರಿಯಾದರೂ ಮನೆಗೆ ಬರದ ಹಿನ್ನಲೆಯಲ್ಲಿ ಪತ್ನಿ ಮೊಬೈಲ್ ಗೆ ಕರೆ ನೀಡಿದರೂ ಪ್ರತಿಕ್ರಿಯೆ ಲಭಿಸಿದ ಹಿನ್ನಲೆಯಲ್ಲಿ ವಿವಿಧೆಡೆ ಶೋಧ ನಡೆಸಿದ್ದು, ಆದರೆ ನಾಪತ್ತೆ ಯಾದ ಹಿನ್ನಲೆಯಲ್ಲಿ ಮಂಜೇಶ್ವರ ಠಾಣಾ ಪೊಲೀಸರಿಗೆ ದೂರು ನೀಡಲಾಗಿತ್ತು.

  ಪೊಲೀಸರು ತನಿಖೆ ನಡೆಸುತ್ತಿರುವ ನಡುವೆ ಉಪ್ಪಳ ಆಂಬಾರ್ ನಲ್ಲಿ ಬೈಕ್ ಮತ್ತು ಮೊಬೈಲ್ ಪತ್ತೆಯಾಗಿದೆ. ಇದರಿಂದ ನಾಪತ್ತೆ ಹಿಂದೆ ನಿಗೂಢತೆ ಕಂಡು ಬಂದಿದೆ.

  ಸ್ಕೂಟರ್ ನ ಕೀಲಿ ಕೈ, ಮೊಬೈಲ್ ಫೋನ್ ಮತ್ತು ಸ್ಕೂಟರ್ ರನ್ನು ಪೊಲೀಸರು ವಶಕ್ಕೆ ತೆಗೆದುಕೊಂಡಿದ್ದಾರೆ. ಮೊಬೈಲ್ ಫೋನ್ ನ ಕರೆಗಳನ್ನು ಪೊಲೀಸರು ಕಲೆ ಹಾಕಿದ್ದು, ಪರಿಶೀಲನೆ ನಡೆಸಲಾಗುತ್ತಿದೆ ಎಂದು ತಿಳಿಸಿದ್ದಾರೆ.