ಕುಂದಾಪುರ:ಯಕ್ಷಗಾನದಲ್ಲಿ‌ ಮೂಡಿಬಂತು ನಿಖಿಲ್ ಎಲ್ಲಿದ್ದೀಯಪ್ಪ ಬದಲು ಕೌರವ ಎಲ್ಲಿದ್ದೀಯಪ್ಪ ಡೈಲಾಗ್

•   Wed, Apr 24 2019 11:41:42 PM



• ಕುಂದಾಪುರ,ಏ24(Daijiworld News/AZM): ರಾಜ್ಯದಲ್ಲಿ ಲೋಕ ಸಭಾ ಚುನಾವಣೆ ಕಾವು ಮುಗಿದಿದ್ರು ನಿಖಿಲ್ ಎಲ್ಲಿದ್ದೀಯಪ್ಪ ಎನ್ನುವ ಮಾತು ಮಾತ್ರ ಮರೆಯಾಗಿಲ್ಲ. ಕುಂದಾಪುರ ಕೋಣೆಯಲ್ಲಿ ನಡೆದ ಶ್ರೀ ಕ್ಷೇತ್ರ ಕಮಲ ಶಿಲೆ ಮೇಳದ ಯಕ್ಷಗಾನ ಪ್ರದರ್ಶನ ಸಂದರ್ಭ ಕೌರವ ಎಲ್ಲಿದ್ದೀಯಪ್ಪ ಎನ್ನುವ ಮೂಲಕ ಗಂಭೀರ ಪ್ರಸಂಗದಲ್ಲೂ ಹಾಸ್ಯದ ಹೊನಲು ಹರಿಯುವಂತೆ ಮಾಡಿತು.

  

  ತೆಂಕು ಮತ್ತು ಬಡಗು ತಿಟ್ಟಿನ ಕೂಡಾಟದಲ್ಲಿ ಮೂಡಿ ಬಂದ ಯಕ್ಷಗಾನದಲ್ಲಿ ಭೀಮನ ಪಾತ್ರಧಾರಿ ಶಶಿಕಿರಣ್ ಕಾವು ಕೌರವನನ್ನು ಕರೆಯುವ ಸಂದರ್ಭ ಬಳಸಿಕೊಂಡ ಈ ಮಾತು ಸದ್ಯ ವೈರಲ್ ಆಗಿದೆ. ಲೋಕ ಸಮರದ ಸಂದರ್ಭ ಕುಮಾರಸ್ವಾಮಿ ಮತ್ತು ನಿಖಿಲ್ ಕುಮಾರಸ್ವಾಮಿ ಅವರ ಜಾಗ್ವಾರ್ ಸಿನೆಮಾ ಆಡಿಯೋ ಬಿಡುಗಡೆಯ ಸಂದರ್ಭದ ಸಂಭಾಷಣೆ ಚುನಾವಣೆಯ ಉದ್ದಕ್ಕೂ ವಿವಿಧ ರೀತಿಯಲ್ಲಿ ಟ್ರೋಲ್ ಆಗಿತ್ತು.

  ಸದ್ಯ ಚುನಾವಣೆ ಮುಗಿದರೂ ನಿಖಿಲ್ ಎಲ್ಲಿದ್ದೀಯಪ್ಪ ಎನ್ನುವ ಡೈಲಾಗ್ ಮಾತ್ರ ತರಹೇವಾರಿ ಟ್ರೋಲ್ ಆಗಿ ನಂಬರ್ ಒನ್ ಸ್ಥಾನ ಉಳಿಸಿಕೊಂಡಿದೆ.